Miren Azkarate Eusko Jaurlaritzako Kultura sailburuak dio Roberto Zearsolo Bilboko Guggenheim Museoko finantza zuzendariak ustez 486.000 euro lapurtu izana "larria eta kezkatzekoa" dela. "Horregatik, lehen unetik har zitezkeen neurriak hartu ditugu, zabal adierazi dugu zer egin dugun -kargutik kendu dute Ziarsolo-, salaketa jarri dugu eta eskura genituen dokumentuak jendearen eskura jarri ditugu".
Guggenheimen ibilbidea "oparoa" izan dela azpimarratu du Azkaratek gaur arratsaldean Euskadi Irratiko Mezularia saioan egin dioten elkarrizketan, eta gertatutakoak museoa "ez kaltetzea" espero dutela. "Ahalegina egin behar dugu proiektuak aurrera jarraitzeko indarra baduela erakusteko".
Kultura sailburuak esan du kontrol neurriak aztertu beharko dituztela, halako "irregulartasunak" ez gertatzeko.
PPk Azkarateri Eusko Legebiltzarrean azalpenak emateko eskatu dio.
Jaurlaritzak azpimarratu du "lehen unetik" hartu dituztela neurriak
Iruzkinak
Ez dago iruzkinik
Ordenatu
