Sindikatuak, «gardentasun» eske

Hezkuntzako sindikatuek protesta egin zuten atzo Nafarroako Parlamentuaren aurrean, Carlos Gimeno kontseilariari eskatzeko araudia alda dezala epez kanpo matrikulatzen diren ikasleen harrera prozesuetan. Steilas, Anpe, Afapna, LAB, Sepna, UGT, ELA eta CCOO sindikatuek adierazi dute ikasle horietako askok «behar bereziak» dituztela, eta horiek zentro batera ala bestera bidaltzeko prozesua «era opakuan» egiten dela maiz. Hori konpontzeko, langileen ordezkaritza handiagoa eskatu dute eskolatze batzordeetan.