BERRIA egunkariak bat egingo du Hego Euskal Herriko sindikatuek Palestinaren alde deituriko mobilizazioekin, eta, horrenbestez, eskaintza informatiboa egokituko du. Txanden araberako lanuzteak antolatu ditu, eta horiek iraun bitartean lanuzteei buruzko informazioa emango du soilik webgunean.
Protesta egunak tarte berezia izango du webgunean. Zortzi kazetarik lanuzteen berri emango dute espresuki diseinaturiko zuzeneko kontakizunean. Mobilizazioen berri ere emango dute kaier horretan. Era berean, Berriketan podcastaren eguneko emisioa lanuzteen ingurukoa izango da. Bestalde, lanuzteek isla izango dute urriaren 16ko papereko alean.
