Albistea entzun

UDAL ETA FORU HAUTESKUNDEAK

Carlos Vilches: "Demografia UPNren kontra doa"

Hauteskundeei buruzko mahai ingurua egin dute Eguzki Urteaga, Ainhoa Larrañaga eta Carlos Vilches irakasleek, Gurutze Izagirre BERRIAko kazetariak zuzenduta. Bilbon eta Bizkaian izan ezik, ez dute garaile argirik antzematen hiriburu eta herrialdeetan. Bideoa: mahai ingurua, osorik (Lara Madinabeitia / Berria TB).

Jon O. Urain -

2015eko maiatzak 21 08:39

Igandeko udal eta foru hauteskundeei begira, BERRIAk mahai inguru bat antolatu du. Hauteskunde kanpaina, igandean izan daitezkeen emaitzak eta ondorengo balizko akordioak izan dituzte hizpide. Hiru hizlari aritu dira solasean: Eguzki Urteaga Euskal Herriko Unibertsitateko Soziologia irakaslea, Ainhoa Larrañaga Mondragon Unibertsitateko Ikus-Entzunezko Komunikazioko irakaslea eta Carlos Vilches Nafarroako Unibertsitate Publikoko Soziologia irakaslea. Gurutze Izagirre BERRIAko kazetaria aritu da moderatzaile lanetan.

Herrialdeka aztertu dituzte igandeko bozak, baina Nafarroan sakondu dute batez ere. Tentuz jokatu du Vilchesek, iraganeko esperientziak gogoan: "Coitus interruptus bat dago. Aldaketa dator beti... baina gero frustrazioa". UPNk oinarri zabal bat izan arren, hori aldatzen ari dela uste du:  "Demografia UPNren kontra doa".

Urteagaren iritziz, gobernu aldaketa lehenetsi dute oposizioko indarrek, baina bestelako kontua da gobernua osatzea: "Gauza bat da UPN kentzea; beste bat, zertarako nahi den alternantzia". Geroa Bai eta Ahal Dugu-ren artean "harrapatuta" antzematen du koalizio subiranista, adostasunaren mesedetan soslai propioa "lausotuta".

Gipuzkoari dagokionez, Larrañagak uste du EH Bilduk ez duela izan "espero zen ausardia", eta hainbat gaitan "zailtasunak" nabaritu ditu EAJ eta koalizio subiranista bereizteko. Hala ere, aitortu du "politika egiteko beste modu bat" egin duela EH Bilduk, eta uste du hondakinen inguruko  eztabaida "aspaldi" itxi zela.

Gasteizen, berriz, Javier Maroto alkateak immigranteekiko hartutako jokabidea izan dute eztabaidagai. Vilches: "Ez dakit zein errentagarritasun izango duen etorkinen kontrako aferak". Larrañagaren arabera, ordea, Marotok lortu egin du "bertakoen eta kanpokoen" arteko dikotomia sortzea. Bat dator Urteaga; haren esanetan, Marotok kanpaina "pertsonalista" egin du, PPren ikurra ezkutatuz eztabaida bere figuraren ingurura eramanez.

Bizkaian eta Bilbon ez dute lehiarik ikusten, Urteagaren esanetan, EAJren "feudo" diren neurrian. Oro har, beraz, jokaleku irekiak iragarri dituzte iganderako, eta parte hartze maila "jokoan dagoenaren" araberakoa izatea espero du Urteagak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Prozesuen erronkak eta zailtasunak

Prozesuen erronkak eta zailtasunak

Ekhi Erremundegi Beloki

Aieteren urteurreneko jardunaldien azken saioa izan da Baionan. Iragandakoaz eta gelditzen diren erronkez mintzatu dira bertako eta nazioarteko eragileak. Presoen auzia konpontzeko mekanismoak sortzera deitu du Brian Currinek.
 ©Jon Urbe / FOKU

Herri baten biderako gakoak

Enekoitz Esnaola

Erabakitzeko eskubidea, erreferenduma, estrategia partekatua, gizarte zibila, desobedientzia, eta bide demokratikoak eta baketsuak nabarmendu dituzte Ibarretxek, Torrak, Alvarezek eta Cuixartek

<em>Gatazken eraldaketa demokratikoa</em> izenpeko mahai ingurua, atzo, Donostiako Kursaalean. ©JON URBE / FOKU
Jonathan Powell. ©JON URBE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna