Berdintasuna

Neskek lehen aldiz parte hartu dute Zumarragako ezpata dantzan

Lehen aldiz Antiguako ermitan dantza egin dute, eta jendearen babesa sentitu dutela adierazi dute.

Dantzariak Zumarragan, goizean. OTAMOTZ.EUS
2015eko uztailaren 2a
11:09
Entzun

Aspaldiko nahia zen, eta gaur gauzatu egin da. Antiguako ermitan lehen aldiz neskek ere parte hartu dute ezpata dantzan, eta normal-normal egin dute. Zazpi neska aritu dira dantzan zazpi mutilekin batera, eta kapitainetan ere, bi neska eta bi mutil. "Dantzak ez du generorik. Zergatik ez dute ba eurek ezpata dantzan aritzeko eskubide berbera izan behar?", erantzun zion Eneko Galdos Irrintzi dantza taldekoak Noticias de Gipuzkoa egunkariari, emandako aurrerapausoarengatik galdetuta.

Iaz egon ziren aurrerapausoa ematekotan, baina, prestaketak berandu hasi zirenez, atzeratu egin behar izan zuten. Goierriko Hitza-ri bezperan urduri zeudela adierazi zioten emakumezko dantzariek. Gaur goizean, ordea, azaldu dute oso gustura aritu direla, eta jendearen babesa sentitu dutela. Emakumeen parte hartzea normal-normal egin da gaur goizean. Jantziak gizonezkoentzako prestatuta zeudenez, aurten galtza berriak izan dituzte, eta aurrerantzean horiek bientzat balioko dutela nabarmendu dute.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.