Albistea entzun

Arnaldo Otegi

Otegiren aldeko ekitaldiak "zaintzeko" agindu du Espainiako Fiskaltzak

Fiskaltzak "neurriak" hartzeko eskatu dio Urkijori, Elgoibarko eta Belodromoko ekitaldietan "terrorismoa goratzearekin lotutako deliturik" egin ez dadin. Eloy Velasco epaileak aztertuko du AVTk bi ekitaldien aurka jarritako salaketa.

Donostian, Otegiren alde, egitekoa duten ekitaldiaren aurkezpena.
Donostian, Otegiren alde, egitekoa duten ekitaldiaren aurkezpena. Juan Carlos Ruiz / Argazki Press

Arantxa Elizegi -

2016ko otsailak 24

Arnaldo Otegiri ongietorria egiteko antolatutako ekitaldiak martxoaren 1ean eta 5ean izango dira, Elgoibarrren eta Donostian, hurrenez hurren, eta Espainiako Auzitegi Nazionaleko fiskal Javier Zaragozak eskatu du "zaintzeko". Bide batez, Espainiako Gobernuak EAEn duen ordezkariari, Carlos Urkijori, eskatu dio har ditzala "beharrezko neurriak" ekitaldi horietan "terrorismoa goratu" ez dadin. 

Urkijok aste hasieran eskatu zion Espainiako Fiskaltzari debeka zitzala Otegiren aldeko ekitaldiak. Urkijok argudiatu du terrorismoa goratu daitekeela bi ekitaldi horietan, eta legea betetzen dela zaintzeko neurriak hartzeko eskatu dio. "Talde terrorista bateko kide bat goratzea delitu gisa jasota dago Zigor Kodearen 578. artikuluan, eta ezagunagoa izatea ez da aringarri bat, legea berbera baita guztiontzat".

AVTren salaketa, Velascoren esku

AVT Terrorismoaren Biktimen Elkarteak ere bi ekitaldiak debekatzeko eskatu du, iritzita horien helburua "ETAko kide izateagatik zigortutako norbait gorestea" dela eta horrek "umiliazioa eta mespretxua" eragiten diela biktimei. Gainera, Guardia Zibilari eta Espainiako Poliziari eskatu die azter dezatela nortzuk diren ekitaldien antolatzaileak, "horien atzean legez kanpoko erakunderen bat" dagoen jakiteko. AVTren salaketa Eloy Velasco epaileak aztertuko du.

Otegi martxoaren 1ean aterako da espetxetik, sei urte eta erdiko zigorra osorik beteta. Otegi 2009ko urriaren 13an atxilotu zuten azkenengoz, eta Miren Zabaleta, Arkaitz Rodriguez, Sonia Jacinto eta Rafa Diezekin batera zigortu zuten Bateragune auzian. Zabaleta, Rodriguez eta Jacinto aske daude iazko urritik. LABeko idazkari nagusi ohia, ordea, preso dute oraindik, eta beste hamabost bat hilabete falta zaizkio zigorra betetzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Urkulluk ukatu egin du epaiek hizkuntz politikan eragin izana

Urkulluk ukatu egin du epaiek hizkuntz politikan eragin izana

Iosu Alberdi

Euskararen kontrako «erasoei» aurre egiteko, hizkuntzaren inguruko herri akordio bat proposatu dio EH Bilduk Eusko Jaurlaritzari

Lau kideak hil zituzten gunea, Pasai Donibanen. ©Andoni Canellada / Foku

Pasaiako sarraskiko poliziak identifikatzeko saio bat egingo dute

Xabier Martin

Komando Autonomoetako lau kide hil zituzten polizia operazio horretan, eta idenfikazio proba batera deitu du epaileak lekuko bakarra: Joseba Merino. Martxoaren 28an du ordua, Donostiako epaitegietan.

 ©IÑIGO URIZ / FOKU

«Gure erronka da nola lotu nazio proiektua oraingo borrokekin»

Joxerra Senar

Hiru urteko etenaldiaren ostean, Plaza Hutsa egingo du Sortuk Burlatan bihar. Militantziaren bilgune horretan, herrigintzari buruz gogoeta egin eta ildo bat ezarri nahi diete aurretik ezarritako sei eremu estrategikoei.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...