Albistea entzun

industria

Ezohiko batasun irudia, "benetako" industria politika baten alde

Hilaren 23an Bilbon ELA, CCOO, LAB eta UGT elkarrekin manifestatuko dira. Gatazka jakin askotan eskutik joaten dira Hego Euskal Herriko lau sindikatu nagusiak, baina batasun hori ez da hain ohikoa politika globaletan.

'Benetako politika industriala orain' lelopean 2014an ELAk, LABek eta ESK-k egin zuten manifetazioa, Gasteizen. /
'Benetako politika industriala orain' lelopean 2014an ELAk, LABek eta ESK-k egin zuten manifetazioa, Gasteizen. / Juanan Ruiz/Argazki Press

Iker Aranburu -

2016ko apirilak 7 07:51

Azken hilabeteotan industrian zabaldutako berri txar ugariek, ordea, desadostasunak alde batera uztera eta bat eginik "benetako industria politika bat" eskatzera bultzatu dituzte. "Azken hiletan Euskal Herriko enpresa industrialetan itxierak edota kaleratze masiboak egiteko erabakiak ezagutzen ari gara. Hau gertatzen ari da hamarkadatan industri-politikarik izan ez delako eta gobernuak botere ekonomikoaren esanetara daudelako; euren lehentasuna propaganda dute, eta erreforma laboralaren moduko legeak ezartzen dituzte, hau da, gero enpresei halako erabakiak hartzeko aukera ematen dietenak", dio ELAk, LABek, CCOOk eta UGTk sinatutako deialdiak.

Sindikatuk kexu dira gobernuek sustatu egin dituztela enpresa asko multinazionalen esku geratu izana, eta orain erabakiguneak galdu izanaren prezioa ordaintzen ari dela euskal industria. Halaber salatu dute aurrezki kutxen desinbertsio industrialen politika, haien ustez, "sektore estrategikoen aldeko apusturik ez egitea" erakusten duelako.

"Horregatik, milaka familiaren etorkizuna zalantzan dago. Industriarik gabeko herri batek ez dauka etorkizunik. Lantegi bat ixten denean kaltedun bakarrak ez dira bere plantillako langileak; halako erabaki batek azpikontratetako jendeari, garraiolariei eta fabrika dagoen herriari edo hiriari ere eragiten die", dio agiriak. .

Lau sindikatuek Euskal Herriko langileen borrokari babesa eman nahi diete. "Etekinak lortzea beste helbururik ez duten multinazionalei duintasunez aurre egiten dietenak dira gizarte honen ordezkaririk hoberenak".

Manifestazia eguerdiko 12etan izango da, "Gure industriaren defentsan, por una política industrial real", lelopean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Garbiñe Aranburu LABeko idazkari nagusia eta Mitxel Lakuntza ELAkoa, 2019ko mobilizazio batean ©Marisol Ramirez (Foku)

LABek greba orokorra baztertu du

Jokin Sagarzazu

ELAri leporatu dio porrotaren erantzukizuna. Azaldu du mobilizazioa urtea amaitu aurretik egin nahi zuela, baina ELAk «Madrilgo agendaren menpe» jarri duela, handik grebarako «pizgarria» sortuko zelakoan. LABek «mobilizaziorako beste ziklo bat» abiatuko du lantegi eta kaleetan.

Argindarra sortzeko lignito ikatza erretzen duen zentrala Bogatynian, Polonian. ©MARTIN DIVISEK / EFE

Karbono isuriak, inoiz baino garestiago

Irune Lasa

Argindarra garestitzen duen aldagaietako bat dira karbonoa isurtzeko eskubideak, eta inoiz baino garestiago daude. Duela urte bete baino %145 garestiago da kutsatzea altzairugileentzat, findegientzat edota aire konpainientzat. Bai, hiru aldiz garestiago.

Artiacheko langileen protesta bat Bilbon ©Aiaraldea.eus

Lanuzteekin jarraituko dute Orozkoko Artiachen

Jokin Sagarzazu

Sindikatuek salatu dute zuzendaritzak ez duela onartu nahi berea ez den beste proposamenik. Aiaraldeko enpresa nagusietako bat da: hirurehundik gora langile ditu.

Iberdrolaren Wikinger parke eolikoa, Alemaniako uretan. ©IBERDROLA

INDUSTRIA KRESAL HAIZETAN

Irune Lasa

Energia berriztagarriak behar dira, gero eta gehiago, ahalik eta gehien. Argindar 'garbia' lortzeko itxaropena itsasoko haize errotetan dago neurri handi batean, eta, bereziki, haize errota flotagarrietan. Eta hor dago euskal industria.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.