Albistea entzun

Erraustegia

Espero baino jende gehiago bilduta, gustura dira giza katearen antolatzaileak

Onkologikoa eta Gipuzkoako Foru Aldundia lotzeko behar ziren 5.000 lagunen langa erraz gainditu du giza kateak. Antolatzaileek mezua helarazi diete alderdi eta instituzioei: "Hitz egiteko prest gaude, baina, nahi ezean, aurrean izango gaituzue". Bideoa: giza katea. (Andoni Canellada / Argazki Press)

Arantxa Elizegi -

2016ko maiatzak 29

Ibilbidean giza katea osatzeko 5.000 lagun beharko zirela aurreikusi zuten antolatzaileek, baina kopuru hori "nabarmen" gainditu zutelako, gustura dira. "Giza katearen haria zati askotan hirukoiztu eta beste askotan mataza izan da. Beraz, otsailean Zubietako Martxan gertatu zen bezala, aurreikuspenak oso modu nabarmenean gainditu dira", azpimarratu dute.

Antolatzaileek zehaztu dutenez, asko izan ziren azken minutuetan ekimenarekin bat egin dutenak, Lasarte-Oriako zatian, esaterako, mila lagun elkartu dira, antolatzaileek eskatutako kopurua hirukoiztuz. Hala, eskuak elkarri lotuta, kateatu egin zituzten Onkologikoa eta Gipuzkoako Foru Aldundia, errustegiak izan ditzakeen osasun arriskuez ohartarazteko.

Bi guneak lotuta, antolatzaileek lekuko bat eraman zuten Onkologikotik Foru Aldundiraino, eta hura katearen aurretik igaro ahala, jendeak eskuak askatu eta Gipuzkoa Plazaraino jaitsi zen. Clara Peralesek hartu zuen han hitza. Perales Madrilen bizi da erraustegi baten alboan, eta osasun arazo larriak izan ditu. "Erraustegi baten inguruan bizitzeak malformazio, minbizi eta bihotz arazoak sortzen ditu", ohartarazi du. "Zuek garaiz zaudete oraindik".

Oharra instituzioei

Ekitaldiaren amaieran alderdi eta instituzioei oharra: "Prest gaude hitz egiteko, baina, nahi ez baduzue, aurrean izango gaituzue". Teresa Lopez de Munainek irakurri zuen Erraustegiaren Kontrako Mugimenduaren mezua: "Nafarroak ez du erraustegirik, Arabak ere ez. Zergatik Gipuzkoak bai? Gure eta gure seme-alaben osasunak zuen irabaziek baino gehiago balio du!".

Ondoren, Osasuna eta Errausketa Ikerketa Taldeko kide Xabier Mitxelena medikuak irakurri zuen lekukoaren barruan ekarritako mezua. Mitxelenak ohartarazi du frogatuta daudela erraustegiak osasunarentzat dituen arriskuak, "baina ez dute halakorik jakiterik nahi". Hala, ondorio horiek onartu eta "zintzotasunez" jokatzeko eskatu die agintariei, eta erraustegia eraikitzeko asmoak bertan behera uzteko. Txalo zaparrada batekin amaitu dute protesta foru aldundira joan direnek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Pablo Gonzalez kazetaria, atxilotua izan aurretik. ©BERRIA

Gonzalezek kartzelan segi dezala eskatu du fiskalak

Jone Arruabarrena

Fiskaltzak argudiatu du arriskua dagoela Pablo Gonzalez kazetariak ihes egiteko. Poloniako auzitegiak hilaren 23an aztertuko du eskaria
 ©GORKA RUBIO / FOKU

«Etxeko bisita bakarra bulego bateko zazpi bisitaren baliokide da»

Oihane Puertas Ramirez

Gaur egungo psikiatriako arretako eredua aldatu eta etxez etxeko arreta sustatuko duen eredu bat proposatzen du Tizonek. Haren ustez, eredua eraginkorragoa, merkeagoa, gizatiarragoa eta demokratikoagoa da.
 ©Eider Eibar

Etorkizuneko ekotopia amestuz

Jone Arruabarrena

Etengabe ohartarazten ari dira hedabideak, baita planeta bera ere: klima larrialdia iritsi da. Baina norantz jo behar da krisi horretatik ateratzeko? Zein da helmuga? Gizakiak etengabeko hazkundearen logikari jarraituko ez dion mundu bat; ongizatearen pertzepzioa guztiz aldatuko dena: ekotopia.

Eider Eibarren ilustrazioa. ©

Etorkizuneko ekotopia amestuz

Jone Arruabarrena

Etengabe ohartarazten ari dira hedabideak, baita planeta bera ere: klima larrialdia iritsi da. Baina norantz jo behar da krisi horretatik ateratzeko? Zein da helmuga? Gizakiak etengabeko hazkundearen logikari jarraituko ez dion mundu bat; ongizatearen pertzepzioa guztiz aldatuko dena: ekotopia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...