Albistea entzun

ezker abertzalea

Bilbon izango da Sorturen kongresua, larunbatean

Zohardia txostena eta Kontseilu Nazionala osatuko dituzte Euskalduna jauregiko biltzarrean. Orduan amaituko dute "birfundaziorako" prozesua.

Sorturen
Sorturen "birfundazio" prozesuaren hasierako nazio batzarra, iazko uztailaren 2an, Gasteizen, Europa jauregian. Juanan Ruiz/Argazki Press

Enekoitz Esnaola -

2017ko urtarrilak 16

Datorren larunbatean amaituko du Sortuk "birfundaziorako" prozesua, Bilbon kongresua eginda. Euskalduna jauregian izango da, 10:30etik aurrera; 13:30ak aldera bukatzea aurreikusten du.

Zohardia txostenari —%91ko babesa jaso zuen— 919 zuzenketa partzial aurkeztu dizkiote kongresurako izena emandakoek, eta biltzarraren lantaldeak hamalau zuzenketa pasatu ditu bozketara. Ostiraleko gauerdira arte bozkatu ahal izango dira. Txostena osatuko dute, beraz, "euskal jendarteari Sorturen konpromisoaren eta hurrengo urteetarako zehaztutako erronka politikoaren berri emateko", alderdiak gaur ohar baten bidez esan duenez.

Zuzenketa partzial batek proposatu du "euskal errepublika" izendatu beharrean "errepublika eusko-nafarra" izendatzea. Beste batek dio Sortuk, Euskal Herri independente, sozialista, feminista eta euskalduna lortzeko helburua izateaz gain, "ekologista" ere aipatu behar duela. Beste zuzenketa batzuk: "Sorturi kuota ordaintzea Sortzaileen borondatezko aukera izango da"; "Sorturen zuzendaritza nazionaletan herrialde eta errealitate guztiak parekidetasunez ordezkatuak egotea bermatuko da"; "egituraren berritze eta freskatze iraunkorra bermatu zein behartze aldera, liberazioen iraupenari muga jarriko zaio: zortzi urtekoa"; "herrialde mailako erreferendumak antolatzeko aukera izango da, herrialdeko Sortuguneen %35ek eskatuz gero"; "Sorturen zuzendaritzetan inoiz ez egotea %60tik gorako gizon eta %40tik beherako emakume portzentajerik".

Alderdiaren Kontseilu Nazionala osatzeko bozkatzen ere ari dira. 29 lagun egongo dira zuzendaritza nagusian, eta duela ia bi hilabetetik hamalau hautatuta daude: Arnaldo Otegi, Arkaitz Rodriguez, Sonia Jacinto, Pello Otxandiano, Miren Zabaleta… Ostiral gauerdira artean beste hamabostak aukeratzeko botoa eman dezakete kongresurako izena eman dutenek; 37 hautagai daude. Ordura artean eman daiteke izena.

Sortuk esan izan du bi helburu dituela "birfundazioarekin": Euskal Herrian prozesu subiranista eta independentista abiatzeko baldintzak ereitea, eta dinamika hori pizteko ezker abertzalea eraberritzea. Iazko uztailaren 2an hasi zuten prozesua, Abian ezker abertzaleko eztabaida estrategikoa bukatu ostean.

Bilboko kongresuan nazioarteko 40 alderdi baino gehiagotako kideak izango dira.

Biltzarra 12:00etatik aurrera streaming bidez ikusi ahal izango da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Beatriz Artolazabal Eusko Jaurlaritzako Berdintasun, Justizia eta Gizarte Politiketarako sailburua. ©ENDIKA PORTILLO / FOKU

HBko kideei bidalitako bonben auzia ikertzea galdegin du Artolazabalek

Edurne Begiristain

Gertakarien sekretu ofiziala kentzeko eskatu du Jaurlaritzako Justizia sailburuak. EH Bilduk biktimen artean mailaketak egitea egotzi dio

 ©IDOIA ZABALETA / FOKU

«Presoek egiteko bat dute elkarbizitzaren eraikuntzan»

Maddi Ane Txoperena Iribarren

Dudouetek uste du euskal prozesua «berritzailea» eta «inklusiboa» izan dela, aldebakarrekoa ez ezik: «Egon da elkarrizketa bat; euskal elkarrizketa bat». Itxaropenez egiten die so azken aitzinamenduei.

 ©Jon Urbe / FOKU

Herri baten biderako gakoak

Enekoitz Esnaola

Erabakitzeko eskubidea, erreferenduma, estrategia partekatua, gizarte zibila, desobedientzia, eta bide demokratikoak eta baketsuak nabarmendu dituzte Ibarretxek, Torrak, Alvarezek eta Cuixartek

<em>Gatazken eraldaketa demokratikoa</em> izenpeko mahai ingurua, atzo, Donostiako Kursaalean. ©JON URBE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna