Noiz sortua: 2017-09-27 12:48:47

Kataluniako erreferenduma

Artur Masek emandako bost titulu

 
Artur Mas presidente ohia, artxiboko argazki batean. /
Artur Mas presidente ohia, artxiboko argazki batean. / Alberto Estevez/EFE

Berria -

2017ko irailak 27

Amagoia Mujika Tolaretxipi BERRIAren berriemaile bereziak egin dio elkarrizketa Artur Masi Generalitateko presidente ohiari.

"Aberrazio bat"

Astelehenean 5,2 milioi euroko bermea jarri zion Madrilgo Kontu Auzitegiak 2014ko azaroaren 9ko galdeketa antolatzeagatik. Masek elkarrizketan garbi dio "estatu boterearen abusu argia" dela, "boterearen desbideratzea". "Araudiaren gainetik jartzen dira, denaren gainetik, mehatxatzeko, kikiltzeko, beldurtzeko, zigortzeko".

"Espainiako Estatuak Katalunia galdu du"

Presidente ohiaren iritziz, Madrilen jarrera izan da, beste ezeren gainetik, kataluniar gehienak handik urrundu nahi izatera eraman dituena: "Ekiten duen bezala ekiten duen estatu batek... honek beldurra ematen du, ez du inor erakartzen, eta XXI. mendean gaude".

"Jazarria sentitzen naiz, eta suntsitu nahi nautelako sentsazioa dut"

"Demokrazia eta eskubide zibilak defendatzeagatik"  jazarria eta ekonomikoki hondoratu nahi izatea leporatu dio Masek Espainiako justiziari. Salatu du auziarekin "zerikusirik ez duen jendeari" kalte egiten ari zaizkiola.

"Auzitegi Konstituzionalak azken hitza hartu zuen unetik, Espainiako Konstituzioa perbertitu egin zen"

Atzera egin eta Konstituzionalak Estatutua "ezereztu" zuen garaia ekarri du gogora Masek, eta nabarmendu du 2010eko ekain hartan bestelako erabaki bat  hartu izan balitz, gaur-gaurkoz ez liratekela erreferenduma bultzatzen ariko, hitzarmen fiskal bat eztabaidatzen baizik. Ordea, parlamentuen arteko itunak eta estatutuari buruzko erreferendumaren gainetik, auzitegiek azken hitza hartu zutenean, "itxuraldatu" egin zuten egoera: "Alderdien kontrolatutako konstituzionala zen, erabat mediatizatua eta erotua, batasun espainiar hori bermatu nahian".

"Europako Batasunaren lehentasunak interesak dira, balioak eta printzipioak izan beharrean"

Nazioarteko jarrerari buruz galdetuta, Artur Mas presidente ohiak argi du Europako Batasunak aurre egin beharko diola Espainiako Estatuari, balio demokratikoak bere interesen aurretik jarriz. Dena den, positibotzat jo du haien aurkako mugimendurik egin ez izana, "Kataluniako prozesuaren aurka jartzeko dituzten presioak kontuan hartuz".

Bestalde, aurrera begirako bi aukera aurreikusten ditu Masek elkarrizketan: bata erreferendumean bozkatu ahal izatea, eta kasu horretan, emaitza loteslea litzateke eta jarraituko lukete estatu katalana egituratzeko prozesuarekin; ordea, Estatuak indarra erabiliz erantzunez gero... "ba hitz egingo dugu, beste egoera batean egongo baikara".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 27an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, hemeretzi positibo atzeman dituzte PCR probekin, eta bederatzi gaixo ospitaleratu dituzte. Euskal Herrian 28.812 gaixok eman dute positibo guztira, koronabirusa atzemateko probaren bat eginda. Horietatik 2.034 hil dira. Grafikoak, albiste barruan.

Segurtasun indarretako agenteak gizon bati tenperatura hartzen, Brasilen. ©ANTONIO LACERDA / EFE

Amerika, pandemiaren epizentroa

Jone Bastida Alzuru

Latinoamerikan atzematen dituzte eguneko positibo berri gehien. OPS kezkatuta agertu da Brasilen, Peruren eta Txileren egoerarekin

Bidaiariak Valentziako aireportura iristen. ©MANUEL BRUQUE / EFE

Itzulerarako itxaronaldi luzea

Iñigo Satrustegi

Asko dira larrialdi egoera ezarri zenetik atzerritik Euskal Herrira bueltatu diren euskal herritarrak. Beste hainbat, berriz, atzerrian harrapatuta daude oraindik ere, bi hilabeteren ondoren.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna