Albistea entzun

Belgikak kautela neurriak kendu dizkie Puigdemonti eta Bruselan dauden kontseilariei

Iragarri dute oraingoz ez direla itzuliko Kataluniara, Espainiak atxilotuko dituen beldur.

Puigdemont eta Bruselan dauden lau kontseilariak. /
Puigdemont eta Bruselan dauden lau kontseilariak. / EFE

Jon Ordoñez Garmendia -

2017ko abenduak 5 17:17

Pablo Llarena epaileak gaur goizean bertan behera utzi du Carles Puigdemont eta Bruselan dauden Kataluniako Generalitateko kontseilariak atxilotzeko emanda zuen euroagindu eskaera. Oriol Junqueras, Joaquim Forn, Jordin Sanchez eta Jordi Cuixart espetxean mantentzeko erabakiaren biharamunean iritsi da. Llarenak berak bere idatziaz argudiatu duenez, ordea, komenientzia kontua bategatik hartu du erabaki: Belgikak euroaginduaren eskari batzuei uko egiteko aukerak Puigdemonten eta kontseilari auzipetuen inputazioa murrizteko bidea ireki dezake.

Gorenak hartu duen erabakiaren ondorioz, Belgikak bertan behera utzi ditu Puigdemont eta beste lau kontseilariei ezarri zizkien kautalazko neurriak. "Formalki [Belgikako] epailearen erabakiaren zain egon behar da auzia itxitzat emateko, baina kautelazko neurriak momentuan bertan kentzen dira", adierazi du Bruselako fiskaltzako bozeramaile batek. Ondorioz, bost agintari kataluniarrek ez dute euren mugimenduen berri eman beharko. Hala ere, baztertu egin dute oraingoz Kataluniara itzultzea, Espainiak atxilotuko dituztelakoan.

Puigdemont, Toni Comin, Lluis Puig, Meritxell Serret eta Clara Ponsatik azaroaren 5ean aurkeztu zuten euren burua Belgikako agintarien aurrean, Kataluniaren independentzia deklarazioa onartu eta egunetara. Madrilen deklaratzera deitu zituzten, baina beste kontseilari batzuk ez bezala, horiek Europan babesa eskatzea erabaki zuten. Kautela neurriak jarri zizkien Belgikako justiziak.

Bruselako Fiskaltzak bihar hitzordua eskatuko dio Belgikako lehen instantziako epaitegiari epaileari auzia ixteko eskaria luzatzeko. Astelehenean hartu zieten deklarazioa bost agintari kataluniarrei, eta hitzordu horrekin amaitutzat emango litzateke babesa eskaeraren auzia. Albiste agentziek jakinarazi dutenez, abenduaren 14ean 09:00etan jarri dezakete hitzordu hori, hain zuzen, epaileak euroaginduen inguruko erabaki bat hartzekoa zen unean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Manifestarak, Alemaniako Datteln hiriko ikatz lantegi baten aurrean protestan, joan den maiatzean. ©FRIEDEMANN VOGEL, EFE

NBE: «Oraindik klima hondamendirako bidean gaude»

Gorka Berasategi Otamendi

Nazio Batuen Ingurumen Programak gaur aurkeztu duen txostenaren arabera, estatuek hartu dituzten azken konpromisoak urrun daude klima aldaketa bortitz bat saihesteko behar direnetatik. 2030erako isuriak erdira murriztu beharko liratekeela ohartarazi dute.

Erizain bat gizon bati txerto dosi bat jartzen, Johannesburgon (Hegoafrika). ©Kim Ludbrook / Efe

Afrikako Batasunak izurriaren aurkako 110 milioi txerto dosi jasotzeko akordioa egin du

Igor Susaeta

Moderna etxearekin egin du ituna kontinenteko 55 herrialde biltzen dituen elkarteak, AEBetako Gobernuak bideratuta. Afrikan, oraingoz  herritarren %5,23ri jarri dizkiete txertoaren bi dosiak.

Sudango Khartum hiriburuan atzo izandako protesta baten irudia. ©STRINGER / EFE

Militarrek esan dute trantsizioaren «bidea zuzentzen saiatzen» ari direla

Ander Perez Zala

Al-Burhanek adierazi du Sudanen ez dela estatu kolperik izan, eta azaldu du «laster» gobernu berri bat izango dela; Kontseilu Subiranoarentzat, hark du «autoritate legitimoa» oraindik ere. Armadak gutxienez zazpi lagun hil ditu manifestazioetan.

Sudango Kontseilu Subiranoa osatu duten bi sektoreen ordezkariak, 2019ko udan, gobernabide ituna sinatzen. ©EFE

Botere borrokan kateatuta

Ander Perez Zala

Sektore militarraren eta zibilaren arteko tirabira Sudango Kontseilu Subiranoa osatu zenetik egon da. Nola edo hala aurrera jarraitu dute, tentsioak eztanda egin duen arte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.