Noiz sortua: 2018-02-06 13:43:56

Politika

Alonso: "Uriartek euskaltegi bateko zuzendaria dela uste du, sailburu beharrean"

Araba, Bizkai eta Gipuzkoako PPko presidentearen esanetan, Cristina Uriarte Jaurlaritzako Hezkuntza sailburua "euskarak soilik arduratzen du".

Alfonso Alonso Araba, Bizkai eta Gipuzkoako PPko presidentea, gaur, prentsaurrekoan. /
Alfonso Alonso Araba, Bizkai eta Gipuzkoako PPko presidentea, gaur, prentsaurrekoan. / Berria

Gorka Berasategi Otamendi -

2018ko otsailak 6

Alfonso Alonsok nabarmendu du hezkuntzak "arazo oso sakona" duela Araban, Bizkaian eta Gipuzkoan. Uriarteri leporatu dio euskararekin "obsesionatuta" egotea, eta ingelera euskararentzako arrisku gisa ulertzea. "Euskaltegi bateko zuzendaria dela uste du, sailburu beharrean".

Alonsor EAEko hezkuntzaren egoera alderatu du emaitza txarrak lortzen dituen ikasle argi batekin; haren esanetan, estatuan hezkuntzara baliabide gehien bideratzen dituen erkidegoa izan arren, ez dituelako emaitza aski onak lortzen.

Jaurlaritzak hezkuntza itunerako proposatu duen txostenari "anbizioa" eta "ideia berriak" falta zaizkiola adierazi du, bestalde. "Atsekabea" agertu du Alonsok, proposamenak atzerriko hizkuntzei ematen dien garrantzia txikiegia dela iritzita. Ildo horretan, salatu du alde handiegia dagoela ikastetxe publikoen eta itunpekoen artean, ingeleraren eskaintzari dagokionez. Egoerak "berdintasuna" kaltetzen duela ohartarazi du, derrigorrezko hezkuntza amaitzerakoan inglerera maila on bat lortzea familen ahalmen ekonomikoaren araberakoa delako, haren esanetan.

Alonsok azaldu du hezkuntzari buruzko saio monografikoa egin nahi duela legebiltzarrean, eta hori lortzeko beste talde baten babesa eskuratzeko ari dela PP lanean.

Estatutua, bere horretan

Eusko Legebiltzarreko autogobernu lantaldea bihar bilduko da estatus politiko berri baterako taldeek aurkeztuko dituzten proposamenak aztertzeko. PPk argitu du zein izango den berea: Gernikako Estatutua bere horretan uztea. Alonsoren esanetan, gaur egun ez dago estatus politiko berri baten gaineko "adostasun zabala" lortzeko baldintza nahikorik. Autonomia estatutua moldatzeko beharrik ere ez du ikusten. "Niri gustatzen zait Gernikako Estatutua", adierazi du. Harridura agertu du PP delako, haren iritziz, estatutua "defendatzen duen talde bakarra".

Herritarrak ere estatutuarekin konforme daudela ziurtatu du PPko legebiltzarkideak. Nabarmendu duenez, Euskobarometroaren azken emaitzen arabera, herritarren %77 gustura dago estatutuarekin.

Gaineratu duenez, EH Bilduk lantaldera eramango duen proposamenak autodeterminazio eskubidearen "eufemismoa" jasoko duela, erabakitzeko eskubidearen izenpean. Proposamen horrek "gatazka eta enfrentamendua" eragingo duela ohartarazi du. "Ustezko eskubide hori" legez kanpokoa da, Alonsoren hitzetan.

Alfonsok Espainiako Konstituzioaren aurkakotzat jo du PSE-EEren proposamena ere, "foru erregimena" apurtu nahi duelako. PSE-EEk zerga bilketarako ahalmena foru aldundiei kendu eta Jaurlaritzari egokitzea proposatu du.

Elkarrekin Podemosen proposamena, berriz, "inori ez zaio axola", Alonsoren arabera.

PPk EAJri eta Iñigo Urkullu lehendakariari eskatu die "egonkortasuna baloratzen duten" hausnartzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Baionako ospitalea, artxiboko irudi batean. ©Guillaume Fauveau

Mugak irekitzeko eskariak ugaritu egin dira

Berria

Edouard Philippek aipatu du mugako kontrolak kentzeko aukera. Ekainaren 15etik aitzinera izanen litzateke. Iñigo Urkulluk eta Alain Roussetek eskari horixe egin dute; Urkullu Espainiako presidenteari zuzendu zaio, eta Rousset, Frantziakoari, gutun bidez. «Akitania Berria-Euskadi-Nafarroa Euroeskualdean mugaz gaindiko mugikortasuna errazteko» eskatu diete. Nafarroako Gobernuak ere bat egin du eskari horrekin.

Gipuzkoaren eta Lapurdiren arteko mugako saltokiak. Muga ekainaren 15ean zabaltzea «litekeena» dela esan du Edouard Philippe Frantziako lehen ministroak. ©Jon Urbe / Foku

Ipar Euskal Herria bigarren fasean sartuko da ekainaren 2tik aitzina

Oihana Teyseyre Koskarat

Ostatuak zabalduko dituzte, baina neurri zorrotzak errespetatzeko baldintzarekin. Hirugarren fasea ekainaren 22an hastea espero dute.

Irun eta Hendaia arteko muga, apirila erdian ©Guillaume Fauveau

«Mugaz gaindiko mugikortasuna zabaltzeko» eskatu dute Urkulluk eta Roussetek

Berria

Gutun bat bidali dio Iñigo Urkullu EAEko lehendakariak Espainiako Gobernuko presidenteari, «Akitania Berria-Euskadi-Nafarroa Euroeskualdean mugaz gaindiko mugikortasuna zabaltzeko». Gutun beraren kopia helarazi dio Alain Rousset Akitania Berriko presidenteak Edouard Philippe Frantziako Gobernuko lehen ministroari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna