Noiz sortua: 2018-02-20 15:42:20

Katalunia

Anna Gabriel Suitzan geldituko da, eta ez da agertuko Gorenaren aurrera

CUPeko parlamentari ohiak Suitzako Le Temps egunkariari adierazi dio Espainiako Estatuan ez duela epai justurik izango.

Anna Gabriel, CUPeko parlamentari ohia, alderdiaren ekitaldi batean. /
Anna Gabriel, CUPeko parlamentari ohia, alderdiaren ekitaldi batean. / Berria

Gorka Berasategi Otamendi -

2018ko otsailak 20

Anna Gabrielek iragarri du ez diola erantzungo Auzitegi Gorenaren deiari, eta bihar ez dela aurkeztuko auzitegiaren aurrean. Suitzan gelditzea erabaki du, Espainiako Estatuan epaiketa "justua" izateko aukerarik ez duela argudiatuta. Hala, Carles Puigdemont Kataluniako presidente kargugabetuak hartu duen bide bera hartu du Gabrielek. "Nire herrialdean epaiketa justurik izango ez dudanez, nire eskubideak errespetatuko dituen herrialde bat bilatu dut", azaldu du.

Joan den larunbatean jakin zen Gabriel Suitzan zela. Orduan, CUPeko kideak adierazi zuen defentsa estrategia prestatzen ari zela Auzitegi Gorenak Kataluniako prozesu subiranistaren aurka abian duen auzirako. Sedizioa, matxinada eta diru publikoaren erabilera bidegabea leporatzen dizkio Espainiako Justiziak.

Suitzako egunkariak egin dion elkarrizketan, Gabrielek salatu du ekintzaile "basati" gisa aurkezten dutela Guardia Zibilaren txostenek. Nabarmendu du herritarrei desobeditzera dei egin izana leporatzen diola Gorenak, eta erreferenduma era baketsuan babestu duela beti. "Kataluniako auzia era baketsuan konpondu behar da, baina agintari espainiarrek errepresioaren bidez isilarazi nahi dute independentismoa".

Atzo, Marta Rovira ERCko idazkari nagusiak eta Marta Pascal PDECateko koordinatzaile nagusiak deklaratu zuten Gorenean. Biek ala biek adierazi zuten "sinbolikoa" izan zela urriaren 27ko independentzia deklarazioa, eta garai politiko baten "amaiera" finkatzen zuela.

Joan den astean, Mireia Boya CUPeko parlamentari ohiak deklaratu zuen Gorenean, eta, Pascalek eta Rovirak ez bezala, ziurtatu zuen "eraginkortasun erreala" lortzea zela independentzia aldarrikapenaren helburua. Boyari eginiko elkarrizketa argitaratu du gaur BERRIAk. Bertan adierazi duenez, auzipetuei estrategia politiko koordinatu baterako gutxienekoak adostea falta izan zaie.

Gaurko, Artur Mas Kataluniako presidente ohia eta Neus Lloveras AMI Independentziaren Aldeko Udalerrien elkarteko presidente ohia deituta daude Auzitegi Gorenean deklaratzera.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna