Noiz sortua: 2018-03-06 13:55:00

Katalunia

Astelehenean egingo dute Sanchezen hautagaitza eztabaidatzeko saioa

Jordi Sanchezek behin-behineko espetxeratzea bertan behera uzteko galdegin die Auzitegi Gorenari eta Auzitegi Konstituzionalari, Generalitateko presidente gisa jarduteko aukera izan dezan.

Jordi Sanchez, iazko urriaren 16an, Auzitegi Nazionalera bidean, espetxeratua izan aurretik. /
Jordi Sanchez, iazko urriaren 16an, Auzitegi Nazionalera bidean, espetxeratua izan aurretik. / Paco Campos/EFE

Gorka Berasategi Otamendi -

2018ko martxoak 6

Kataluniako Gobernuko presidente izendatzeko Sanchezen hautagaitza eztabaidatuko du parlamentuak datorren astelehenean, martxoaren 12an. JxCren zerrendako bigarrena inbestitu ala ez eztabaidatuko dute taldeek 10:00etan hasiko den saioan.

Sanchezek baimena eskatu dio dagoeneko Auzitegi Goreneko Pablo Llarena epaileari, aske utz dezan, Generalitateko presidente izateko aukera izate aldera. Sanchezen defentsa abokatuek azaldu dutenez, Auzitegi Konstituzionalean ere aurkeztu du behin-behineko espetxealdia bertan behera uzteko eskaria. Hala egin ezean, Kataluniako autonomiari kaltea eragingo zaiola ohartarazi du Sanchezen defentsak. Sanchez Soto del Real kartzelan (Madril) dago preso, iazko urriaren 16az geroztik, sedizio delitua leporatuta.

Hautagaiaren abokatuek haren parte hartze politikorako eskubidea aldarrikatu zuten aurretik, eta beste bi eskari aurkeztu zituzten Auzitegi Konstituzionalean: JxCren zerrendan hauteskundeetara aurkeztu zenean, lehenik, eta diputatu aukeratua izan zenean, ondoren.

Llarenak Sanchez aske uzteari uko egingo balio, hautagaiaren defentsak galdegin du, gutxienez, inbestidura saioan parte hartu ahal izateko baimena eman diezaiola.

Eskari bera egiteko zein neurri har ditzakeen aztertzen ari da Kataluniako Parlamentuko Mahaia ere. Zehazki, parlamentuko letratuei galdegin die zein ekinaldi garatu ditzakeen,auzitegiak Sanchezen espetxeratzea eten dezan eskatzeko.

Roger Torrent Kataluniako Parlamentuko presidenteak Sanchezen hautagaitza aurkeztu du eztabaidarako, taldeekin bilera erronda egin ondoren. Sanchezek ziurtatua du JxCren eta ERCren babesa. Aldiz, kontra bozkatuko dutela iragarri dute Ciutadansek, PSCk, Catalunya En Comu-Podemek eta PPk. CUPek jakinarazi du abstenitu egingo dela, JxC eta ERCren arteko akordioa "autonomista" dela iritzita.

Beraz, taldeek hasierako jarrerari eusten badiote, Sanchezek ez du inbestitua izateko nahikoa babesik lortuko; ez lehenengo bozketan —gehiengo absolutua behar du—, ezta bigarrenean ere —nahikoa luke gehiengo soilarekin—.

Bozketarekin, ordea, gobernua osatzeko legediak aurreikusten duen gehieneko epea hasiko litzateke zenbatzen, eta gobernua osatzeko nahiko adostasunik lortu ezean, berriro ere hauteskundeetara deituko lukete.

Generalitaterako presidentea izendatzeko bigarren saiakera izango da datorren astelehenekoa. Aurretik, Torrentek bertan behera utzi zuen urtarrilaren 30ean egitekoa zen inbestidura saioa, Carles Puigdemont Kataluniako presidente kargugabetua inbestitzeko nahikoa "berme juridiko" ez zegoela argudiatuta.

Espainiako Gobernuak helegitea aurkeztu zuen Puigdemonten hautagaitzaren kontra Auzitegi Konstituzionalean, eta auzitegiak baldintzak ezarri zizkion Puigdemonten inbestidurari: eztabaidan parte hartzeko parlamentura joatea, eta aldez aurretik epaileari baimena eskatzea. Konstituzionalak gaur zen argitzekoa Madrilen helegitea tramiterako onartzen duen ala ez, baina erabaki hori atzeratu egin du, Puigdemont ez delako hautagaia jada. Espainiako Gobernuari, Generaliteateari eta gainerako aldeei gaiaren inguruko iritzia emateko eskatu die, gainera.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©Berria

Koronabirusaren azken datuak

Berria

Euskal Herrian 12.066 gaixok eman dute positibo koronabirusaren proba eginda. 737 hil dira. COVID-19 gaitza izandako 3.948 pertsonari eman diete alta. Grafikoak, albiste barruan.

Pertsona bat zebrabidea gurutzatzen, Iruñean. ©Iñigo Uriz / Foku

Alokairu turistikoak, debekatuta Lapurdiko kostaldean

Berria

Munduan 70.000 lagun inguru hil dira COVID-19 eritasunaren eraginez, eta atzemandako kasuak ia 1,3 milioi dira; joan den ostegunean, milioi bat ziren. AEBak eta, bereziki, New York dira pandemiaren epizentro berria. AEBetan, 337.000 positibo baino gehiago baieztatu dira, eta 9.600 lagun hil.. 

Irrintzi konpartsako erraldoiak, Boiseko Basque Blocken, 2015eko Jaialdian ©Urtzi Urrutikoetxea

Diasporako euskal jairik handiena bertan behera utzi dute

Edu Lartzanguren

Boiseko Jaialdi festibala bost urtetik behin egiten dute, eta aurtengo uztailerako zegoen programatuta. Azkenean, 2021eko uztailaren 27tik abuztuaren 1era egitea erabaki dute, "ardurak eraginda".

EGA Euskararen Gaitasun Agiria lortzeko probak. ©Andoni Canellada / Foku

Jaurlaritzak udazkenera arte atzeratuko ditu hizkuntza maila egiaztatzeko probak

Jon O. Urain

Indarrik gabe utzi du maiatzaren 9rako aurreikusitako proba idatzia, eta urrian egingo du. Onartutako eskabideak kontuan hartuko dira bigarren deialdi horretarako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna