Albistea entzun

Martxoak 8

Gehiengo sindikalak errekurtsoa jarri die Jaurlaritzak etziko ezarritako gutxieneko zerbitzuei

Eusko Jaurlaritzak greba feministaren egunerako ezarri dituen gutxieneko zerbitzuak neurriz gaindikoak direla salatu dute ELA, LAB, Steilas, EHNE-Bizkaia eta Hiru sindikatuek.

Sindikatuetako ordezkariak, greba feministako lanuzte deialdia erregistratu aurretik. /
Sindikatuetako ordezkariak, greba feministako lanuzte deialdia erregistratu aurretik. / Marisol Ramirez/Argazki Press

Berria -

2018ko martxoak 6 13:56

Martxoaren 8ko greba feministarako ezarriko dituen gutxieneko zerbitzuen berri eman du Eusko Jaurlaritzako Lan eta Gizarte Gaietarako Sailak, eta grebarako deialdia babestu duten sindikatuek salatu egin dute erabakia, bermatuko den zerbitzua neurriz gaindikoa dela iritzita.

Lanuztera deitu duten sindikatuek helegitea aurkeztu dute Jaurlaritzaren erabakiaren kontra. Adierazi dutenez, Jaurlaritzak ezarri dituen gutxieneko zerbitzu mailak "grebara atera nahi duten emakumeen eskubidea" urratzen du.

Sindikatuek ohar bidez ohartarazi dutenez, "adingabeen egoitzetan, heziketa zentroetan eta etxebizitza komunitarioetan jaiegunetako gutxieneko zerbitzuak ezarri dituzte, asteburuan aste barruan baino langile gehiago daudenean. Honek praktikan esan nahi du egoitza horietan langile bakar batek ere ezin izango duela grebarik egin".

Sindikatuen iritziz, bereziki larria da adinekoen egoitzetan ezarriko den gutxieneko zerbitzua. Orain arteko grebetan zerbitzuaren %50 ziurtatu den arren, Martxoaren 8an zerbitzuaren %70 bermatzea erabaki du Jaurlaritzak.

Horrez gain, haur eskoletan zuzendari taldeko kide bat eta koordinatzaile bat derrigorrean lanean aritzea agindu du Jaurlaritzak. Sindikatuek nabarmendu dutenez, baina, haur eskoletan ez dago zuzendaritzako langilerik. "Kolektibo horien greba eskubidea guztiz urratzen du. Kolektibo horiek nagusiki emakumeek osatzen dituztela kontuan hartuta, emakumeen greba eskubidearen kontrako eraso zuzena dela uste dugu".

Jaurlaritzaren jarrerak ez ditu sindikatuak harritu, Martxoaren 8rako Jaurlaritzak egin duen "apustua guztiz azalekoa izan delako". Hala ere, "bidegabea" deritzo erabakiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Antigeno testak

Autodiagnostikorako testak, salgai arrakastatsua

Beñat Mujika Telleria

COVID-19a norberak diagnostikatzeko testek astebete daramate eskuragarri Hegoaldean. Hala ere, erosleek zailtasun handiak izan dituzte test horiek aurkitzeko, berehala bukatzen baitira botiketan.

Indarkeria matxistaren aurkako protesta, Bilbon. Artxiboko irudia ©Monika del Valle/ FOKU

Gizonezko bat atxilotu dute Bilbon, bikotekide ohiari labanarekin erasotzea egotzita

Unai Etxenausia

Itxuraz, bikotekide ohiari aizto batez eraso dio, eta ebaki bat egin dio aldakaren parean. Emakumea ospitalera eraman behar izan dute.

Joan Mari Torrealdairi omenaldia

Joan Mari Torrealdairi omenaldia egin diote

Berria

Streaming bidez ikusteko aukera izan da, eta orain ekitaldi osoa ikusgai dago. Pentsalariaren figura eta ondarea aztertzeko jardunaldiak egin dituzte goizean.

Kautelazko neurriekin aske geratu den gaztea, epaitegira sartzen. ©EFE

Zornotzako erasotzaileetako bi espetxean sartu dituzte

Berria

Erasoagatik atxilotu zuten hirugarren gaztea aske geratu da, baina epailearen aurrean deklaratu beharko du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna