Albistea entzun

INDARKERIA MATXISTA

Libre utziko dituzte Iruñeko talde bortxaketaren egileak

Nafarroako Auzitegiak onartu egin du defentsaren eskaria: behin betiko epaia iritsi arte baldintzapean aske geratuko dira. Astelehenean egin zuten auzi saioa. Nafarroako Gobernuak autoari helegitea jarriko diola iragarri du. Protesta jendetsuak egin dituzte.

Garikoitz Goikoetxea -

2018ko ekainak 21 07:04

Jasotako zigorrak berealdiko ezinegona sortu zuen kalean, eta beste erabaki bat hartu du orain Nafarroako Auzitegiak: libre utziko ditu Iruñean 2016an egindako taldeko sexu erasoan parte hartu zuten bost gizonak. Defentsak eskatutako eskaria onartu egin du epaimahaiak, hedabide batzuek azaldu dutenez.

Bederatzi urteko espetxe zigorra jarria diete bost gizonei. “Abusu” mailara jaitsi zuten taldeko eraso hura, ez zuten “sexu eraso” delitua izan zela izateko frogarik ikusi: alegia, epaileen arabera, ez zen indarkeriarik egon bost gizon helduk 18 urteko adingabe bati egindako erasoa, nahiz eta aitortu zuten sexu harremanak ez direla adostuak izan eta bost zigortuek beren nagusitasuna baliatu zutela. Areago, epaileetako batek absoluzioa eskatu zuen, deliturik ere ez zegoelakoan. Ezinegon handia sortu zuen epaiak, eta protesta ugari eta jendetsuak izan ziren kalean.

Hain justu ere, epaile horren argudioei heldu die defentsak zigortuak kalera ateratzea eskatzeko. Epaiari helegitea jarria diote alde guztiek: akusazioek zigor handiagoa eskatu dute, sexu erasoa izan zelakoan, eta defentsek absoluzioa nahi dute.

Erabakiak iritsi arte, libre geratuko dira bost zigortuak, 6.000 euroko bermearekin. Astean hirutan joan beharko dute beren herrietako auzitegietara: astelehen, asteazken eta ostiraletan. Ezingo dute Madrilgo Erkidegora sartu —biktima hangoa da—, pasaportea kendu diete eta Espainiako estatuaren mugetatik ateratzeko debekua jarri diete.

Iturri horien arabera, autoa jaso dute zigortuek jada, baina bihar egingo da publiko. Zabaldu dutenez, erabakiaren kontra dago Jose Francisco Cobo epaimahaiko burua, eta boto partikularra idatzi du, zigortuak preso mantendu behar direla argudiatuz.

Biktimaren defentsak salatu du berak ez duela jaso erabakiaren berririk, eta oso haserre agertu da. "Zirku mediatikoa" salatu dute.

Maria Solana Nafarroako Gobernuko bozeramaileak gogor salatu du erabakia, eta autoaren kontrako helegitea jarriko dutela jakinarazi du. Joseba Asiron Iruñeko alkateak ere salatu egin du Udalak ez duela notifikaziorik jaso, auzian akusazio partikularra den arren: "Udalak ez du inongo notifikaziorik jaso. Albistea baieztatzen bada, norbaitek erantzukizunak hartu beharko ditu, oso larria delako".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Osasunbideko erietxe bat, Tuteran (Nafarroa). ©JAGOBA MANTEROLA / FOKU

Kutsatuen kopurua behera eta behera ari da Hegoaldean

Gotzon Hermosilla

Beste 365 positibo atzeman dituzte, bezperan baino 29 gutxiago. Kutsatutako gaixo bat hil da Nafarroan, 74 urteko gizonezko bat

 ©BERRIA

Gehiago zabaldu dira arrakalak

Amaia Ramirez de Okariz Kortabarria

Izurriteak eragin zuzena izan du emakumeen egunerokoan; hainbat eta hainbat aritu dira lan prekarioetan eta feminizatuetan, baldintza okerretan, eta zaintza lanak ere haien ardura izan dira. Eragileek egoeraz hausnartu beharra nabarmendu dute, zaintza sistema publiko baten aldarria helburu.

Erizain bat Galdakaoko ospitalean lanean. ©ANDONI LUBAKI / FOKU
Liburuxkaren aurkezpena, ostegunean, Pasaian. ©ANDONI CANELLADA / FOKU

Emakumeen ahotsei so

Jone Bastida Alzuru

'Baina zer ari zaigu gertatzen? Pasaiako emakumeak pandemiako bizipenak partekatzen' liburuxka argitaratu dute. Egileek diote prozesua «ahalduntzailea, askatzailea eta sendatzailea» izan dela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna