Noiz sortua: 2018-06-29 08:22:47

Europako Batasuna

Errefuxiatuak hartzeko "zentro kontrolatuak" sortzea adostu du EBk

EBn sartu nahi duten iheslariak batasuneko estatu kideen "zentro kontrolatuetara" lekualdatzea adostu dute estatu kideek. Estatuentzat borondatezkoa izango da zentro horiek eraikitzea. Horrez gain, Afrika iparraldean ere zentroak eraikitzeko aukera "azkar" aztertzeko eskatu diete Europako Batasuneko Kontseiluari eta Batzordeari.

Angel Merkel Alemaniako kantzilerra, atzo, Bruselan, Europar Kontseiluaren bilerara iristen. /
Angel Merkel Alemaniako kantzilerra, atzo, Bruselan, Europar Kontseiluaren bilerara iristen. / Olivier Hoslet/EFE

Gorka Berasategi Otamendi -

2018ko ekainak 29

Goizaldean lortu dute akordioa Europako Batasuneko estatuburu eta gobernuburuek, hamahiru orduko bileraren ondoren. Europako Batasunaren barruan "zentro kontrolatuak" eraikitzea adostu dute estatu kideek, asilo eskubidea lortzeko baldintzak betetzen dituzten iheslariak eta batasunak jatorriko herrialdeetara bidaliko dituenak bereizteko. Beraz, EBra iristen diren errefuxiatuak, itsasoan erreskatatzen direnak barne, zentro horietan itxiko ditu batasunak, kasu bakoitzean, EBn gelditzeko aukera onartzen dien ala jatorrizko herrialdera bueltatzen dituzten argitu artean. Zentro horiek eraikitzea borondatezkoa izango da estatuentzat.

Asilo eskaera lortzeko baldintzak betetzen dituztenak estatu kideen artean banatuko dira. Estatuek ez dute derrigorrezkoa izango errefuxiatuak hartzea. Hori ere "borondatezkoa" izango dela dio akordioak, eta orain arteko kuota sistema indargabatuko da. Horrenbestez, iheslariak hartzearen kontra agertu diren herrialdeen eskaria bere egin du EBk.

Negoziazioetan jarrera zurruna agertu ostean, Italiak ontzat eman du akordioa. Giuseppe Conte Italiako lehen ministroaren esanetan, "negoziazio luzea izan da, baina Italia orain ez dago bakarrik, guk eskatu bezala".

EB barruan "zentro kontrolatuak" sortzeko proposamenaren bultzatzaile izan dira Italia, Frantzia, Espainia, Grezia eta Malta. Ekialdeko estatuak mesfidati agertu dira. Dena den, oraingoiz, ez da estaturik prest agertu gisa horretako zentrorik irekitzeko.

Pedro Sanchez Espainiako presidenteak adierazi du Espainiak dagoeneko badituela gisa horretako zentroak, CIES atzerritarrak barneratzeko zentroei erreferentzia eginez. "Zentroena aukera egokia izan daiteke zenbait herrialderentzat. Gurea, orain arteko erremintekin jarraitzea da eta [migrazio korronteen ] jatorriko eta zeharkaldiko herrialdeetara baliabide ekonomikoak bideratzeko erabakia eskertzea", adierazi du Sanchezek.

Horrez gain, estatu kideetako buruek Europako Batasuneko Kontseiluari eta Batzordeari eskatu diete "azkar" azter dezatela Afrika iparraldean "eskualdeko lehorreratze zentroak" sortzeko aukera, bertako herrialdeekin eta NBErekin elkarlanean. Zentro horiek ere EBra sartu nahi duten iheslariek horretarako baimena eskura dezaketen ala ez aztertzeko zentroak lirateke, akordioaren arabera.

EBra sartu asmoz, Mediterraneoa mendebaldetik gurutzatzen saiatzen diren iheslarien gorakadaren aurrean, akordioak dio diruz eta bestelako neurriekin lagunduko dituela EBk "estatu kideen ahaleginak"; bereziki, Espainiarenak; baita migrazio korronteek zeharkatzen dituzten herrialdeenak ere. Afrikara bideratutako funtsera 500 milioi euro gehiago bideratzea ere onartu dute, migrazioaren jatorriko arrazoietan eragiteko.

Lifeline et Aquarius ontziekin sortu diren gatazkak direla eta, EBko buruek jaso dute Mediterraneoan jarduten duten ontzi guztiek legedia errespetatu behar dutela eta ez dituztela "kostazain libiarren operazioak oztopatu" behar.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 13.406 gaixok eman dute positibo koronabirusaren proba eginda. 905 hil dira. COVID-19 gaitza izandako 4.972 pertsonari eman diete alta. Grafikoak, albiste barruan.

Elkarrizketa digitala: Felix Zubia

«Ez du abisatzen: ez dakigu arin hasi denak gaizki bukatuko duen»

Arantxa Iraola

COVID-19 gaitzaren izurriari aurre egiteko aparteko zeregina dute, oro har, osasun arloko profesionalek, eta bereziki zainketa intentsiboetakoek, pazienterik larrienak artatzen baitituzte. Felix Zubia medikua zurrunbilo horretan ari da; ZIUko medikua da.

Angela Merkel kantzilerrak koronabirusari buruz hitz egiteko agerraldia egin zuen atzo. ©ADAM BERRY / FOKU

Koronabirusari aurre egiteko neurriak adostu ditu Europako Batasunak

Xabier Martin - Iñaki Petxarroman

Bilioi bat euro eskainiko ditu Europako Batasunak birusak gogor jo dituen herrialdeek eskuratu ahal ditzaten. Herbehereek jarrera malgutu izanak aukera eman du akordiorako

 ©ADRIAN RUIZ DE HIERRO / EFE

«Politika publikoek funtzio berezia dute ongizate komunerako»

Enekoitz Esnaola

Koronabirusari premiaz aurre egiteaz gain, Iriartek ezinbestekotzat jo du sistema publikoa berriz aztertzea eta «inor atzean ez geratzeko» plangintza bat osatzea. Bere taldeak lankidetzarako jarrera daukala esan du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna