Memoria historikoa

Deklaratzera deitu dituzte hainbat lagun, Rodriguezen heriotza salatzeko pankartengatik

Espainiako Gobernu Ordezkaritzak bidali dien oharraren arabera, pankartetan ageri diren leloak "Estatuaren kontrako irainak" izan daitezke.

German Rodriguezen aldeko omenaldia, Espainiako segurtasun indarrek hura hil zuteneko 40. urteurrenean, uztailaren 8an. /
German Rodriguezen aldeko omenaldia, Espainiako segurtasun indarrek hura hil zuteneko 40. urteurrenean, uztailaren 8an. / Foku

Gorka Berasategi Otamendi -

2018ko uztailak 14

78ko Sanferminak Gogoan elkarteak salatu du Espainiako Poliziak Iruñeko hainbat bizilagun deklaratzera deitu dituela beren etxeetako balkoietan elkarte memorialistaren pankartak zintzilikatu dituztela eta.

Kartel horiek 1978ko sanferminetako gertakariak salatzen dituzte. Gertakari haietan, German Rodriguez hil zuten estatuko segurtasun indarrek. Esaterako, "Inpunitateari stop", "estatu krimenak" eta "herriak ez du ahaztuko" leloak ageri dituzte kartel horiek. 

Deklaratzera deituak izan diren herritarrek Espainiako Gobernu Ordezkaritzaren oharra jaso dute. Eskutitz bidez jakinarazi dietenez, pankartetan ageri diren leloak "estatuaren kontrako irainak" izan daitezke. Horietako batzuk datorren asterako deitu dituzte Espainiako Poliziaren komisaldegian deklaratzera.

"Gertakari hauek adierazpen askatasunaren aurkako erasoa dira, eta ez dugu jarrera hori ulertzen, kontuan izanik aipatutako leloak duela berrogei urtetik erabiltzen dituztela era guztietako talde politiko eta sozialek, hedabideek eta erakundeek, eta sekula ez dela haien kontrako gobernu ekintzarik izan", adierazi du 78ko Sanferminak Gogoan-ek.

Horrez gainera, elkarteak "harridura eta haserrea" agertu du PSOEren gobernu ordezkariaren erabakiarengatik. Gogorarazi du alderdi sozialistak PPk bultzatutako kode penalaren moldaketaren aurka bozkatu zuela, eta moldaketa horrek sortu zuela "estatuaren kontrako irain" delitua.

78 Sanferminak Gogoak plataformak Nafarroako alderdi politikoak, gizarte eragileak eta herritarrak deitu ditu gobernu ordezkaritzaren jarrera salatzera eta hasitako diligentziak artxiba ditzala exijitzera.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko Erruki Etxea Nafarroako zahar etxe handiena da eta han pandemiak eragin handia izan du ©Iñigo Uriz

Zahar etxeen tamaina eta kokagunea faktore erabakigarriak izan dira COVID-19aren eraginean

Berria

Nafarroako Gizarte Errealitatearen Behatokiak lurraldeko 74 zahar etxeetan eta 14 menpekotasun zentroetan pandemiaren olatuak izandako ondorioak ikuskatu ditu txosten batean, eta hainbat gomendio eman dizkio gobernuari.

Erizain bat, PCR proba bat egiten. ©SALAS / EFE

Bigarren fasera itzultzea aztertzen ari dira Azkoienen

Ion Orzaiz

Azken lau egunetan ehundik gora positibo atzeman dituzte herrian, eta "ezohiko neurriak" ezarriko dituztela iragarri du alkateak

Familia batzuk kanpoaldetik egoiliarrak bisitatzen, Mutiloako zahar etxe batean. ©Jagoba Manterola, FOKU

Zahar etxeetako bisitak eta egoiliarren ateraldiak, malguago

Uxue Rey Gorraiz

Zaharren egoitzetarako protokolo berria onartu du Jaurlaritzak. Zabaldu eginen dira zahar etxeetara bisitak egiteko aukerak, eta egoiliarrek malgutasun handiagoa izanen dute ateraldiak egiteko. Osasun sailburuak azaldu duenez, “ikuspegi epidemiologikoa eta etikoa” hartu dira kontuan neurriak berrikusteko.

PCR probak, Donostia ospitalean. ©Idoia Zabaleta, FOKU

Ospitaleratzeek gora egin dute azken egunean

Uxue Rey Gorraiz

Beste 662 koronabirus kasu detektatu dituzte azken egunean Hegoaldean, eta 47 lagun ospitaleratu dituzte, aurreko egunean baino hamahiru gehiago. Bost pertsona hil dira, Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna