Albistea entzun

Dantzaren mugimenduan barneratzeko aldia

Dantzan Bilaka programaren hamabigarren edizioa egingo dute asteburuan, Gasteizen. Orotara, zazpi sortzailek haien proiektuak erakutsiko dituzte ostiralean hasi eta igandera bitarte

Aitor Biain -

2018ko irailak 24

Dantzan Bilaka programaren aurtengo edizioa prest dute dagoeneko. Gasteizko Artium museoa izango du elkargune egitasmoak aurten, ostiralean hasi eta igandera bitarte. Eusko Jaurlaritzaren babesa du ekimenak, eta Kultura eta Hizkuntza Politikako Sailak sorkuntza koreografikorako urtero ematen dituen diru-laguntzetan aukeratuak izan diren proiektuak babestu, garatzen lagundu eta ikusgai jartzea du helburu. Euskal Herriko Dantza Profesionalen Elkarteak koordinatzen du saioa, eta hamabigarren aldia du aurten. Bigarren aldia da, halere, egitasmoa toki jakin batean gauzatzen dena: iaz, Bilboko Azkuna Zentroan egin zuten, eta, aurten, Gasteizko Artium museoan egingo dute; datorren urtean Donostian izango da, Olatz De Andres antolakuntzako kideak aurreratu duenez. 

Orotara, zazpi proposamen koreografiko aurkeztuko dira programaren baitan, formatu zein espazio eta dinamika anitzekoak guztiak ere: Zuriñe Benaventek, Laura Cobok, Askoa Etxebarrietak, Gorka Gurrutxaga eta Nerea Gurrutxagak, Ibon Salvadorrek, Denis Santacanak eta Mikel del Vallek urtean zehar landutako lanak jendaurrean erakutsiko dituzte. Sortu berriak diren edota sortze prozesuan dauden lanak dira guztiak, eta artistak berak aukeratu du sorkuntzaren zein unetan aurkeztu proiektua.

Aurkezpen horiez gain, halere, laborategiak, hitzaldiak eta topaketak ere izango dira, eta edonork parte hartzeko aukera izango du gainera. Alde batetik, adituentzako ikastaro bat emango du Chisato Ohno dantzari anglo-japoniarrak; familientzako tailerra emango du MUGIk, bestetik. Jaime Conde Salazarrek ere sorkuntza artistikoari lotutako bi hitzaldi eskainiko ditu. “Sorkuntza koreografikoa publikoarengana hurbildu nahi dugu, baina baita dantzaren alorreko gainerako kideengana ere”, azpimarratu du Olatz de Andresek. 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

1 ©MARISOL RAMIREZ / @FOKU

Berriro ere topagunea da

Ainhoa Sarasola

Iazko etenaren ondotik, aurrez aurrekoa izatera itzuli da Durangoko Azoka, eta, edukiera mugarekin, jendez bete da berriro ere Landako Gunea. Txandaka joan dira sartzen bisitariak, pilaketarik gabe

 ©ARITZ LOIOLA / FOKU

«Nahikoa lan izan dugu atzerakadari eusten»

Iñigo Astiz

Loiola, festara etorri, eta kulturak harrapatu zuen bere lehen Durangoko Azokan, eta Del Campo sormenerantz bultzatu du pandemiak. Landakon ezagutu dute elkar.

Myriam Miranda, Igor Muniategi, Amaia Ozerin eta Maite Bidarte, atzo, Landako guneko areto nagusian. ©MARISOL RAMIREZ / FOKU

Bidea urratzeko lanabesak

Andoni Imaz

Sortzaileei euren jardunean laguntzeko zenbait tresna azaldu dituzte mahai inguru batean: egile eskubideei, kontratazioari eta zabalkundeari buruzko argibideak eman dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.