Noiz sortua: 2018-10-17 07:13:26

atxiloketa

Karlos Apeztegia espetxeratzeko agindu du epaileak

Apeztegia gaur goizean igaro da Auzitegi Nazionaletik, Guardia Zibilak atzo atxilotu eta gero. "Gatazkaren ondorioen konponbidean eta bakearen alde" Apeztegiak eginiko lana goraipatu du Etxerat-ek.

Karlos Apeztegia, 2013an.
Karlos Apeztegia, 2013an. Gorka Rubio / Foku

Jon O. Urain -

2018ko urriak 17

Guardia Zibilak Karlos Apeztegia atxilotu zuen atzo eguerdian Hernanin, Gipuzkoan. Han du egoitza Etxerat euskal presoen senide eta lagunen elkarteak, eta bertan egiten du lan Apeztegiak. Beharretik ateratzean joan zitzaizkion bi polizia, eta atxilo eraman zuten. Intxaurrondoko kuartelera eraman zuten aurrena, eta, handik, Madrilera. Gaur igaro da Espainiako Auzitegi Nazionaleko epailearen aurretik, eta hura fiantzarik gabe behin-behinean espetxeratzeko agindu du Diego de Egea epaileak.

"ETA erakunde terroristako kide" izatea egotzi dio epaileak Apeztegiari, eta, delitu horrek zigor "larria" duenez, epaileak uste du "ihes egiteko arriskua" dagoela; horregatik erabaki du Apeztegia espetxera bidaltzea. Epailearen arabera, Apeztegiak Malagako espetxeko zuzendariari buruzko informazioa helarazi zion ETAri, eta proposatu zuen ACAIP espetxe funtzionarioen sindikatuko egoitzari eraso egitea, funtzionarioek beste preso batzuk jipoitu zituztelako.

Espainiako Barne Ministerioak ohar batean jakinarazi zuenez, "erakunde terroristako kide" izatea leporatuta atxilotu dute Apeztegia, larrigarritzat jota delitua "berriro" egin izana. 2016an hasi ziren ETAren argitu gabeko atentatuak ikertzen, eta, gobernuaren arabera, ikerketa horietan jakin zuten Apeztegiak, 2002. urtean, Puertoko espetxean preso zegoela, "komunikazio kanal egonkor eta seguru bat" eratu zuela ETAren zuzendaritzarekin. Kanal horren bitartez, hainbat funtzionariori buruzko informazioa helarazi zion ETAren zuzendaritzari, horien aurkako erasoak presta zitzaten, Barne Ministerioaren arabera betiere. Auzitegi Nazionalaren 3. Instrukzio Aretoak agindu du operazioa, eta Lenteak izena jarri diote.

Informazio hori 2003an konfiskatu zuten Frantzian, Saintesen eginiko operazio batean. Frantziako Gobernuak Espainiakoari ETAren aurkako jardunaz emandako dokumentazioaren artean zegoen Apeztegiaren aurka jotzeko baliatu duten agiria.

21 urteko espetxe zigorra bete zuen Apeztegiak, eta 2013ko maiatzean askatu zuten. Atzo iluntzean, batzar informatibo bat eta manifestazioa egin zuten Hernaniko Gudarien plazan. Gaur iluntzerako ere protestak deitu dituzte: manifestazioa egin dute Hernanin.

 

"Animoa eta elkartasuna" senideei

Etxerat elkarteak "animoa eta elkartasuna" adierazi die Apeztegiaren senideei: "Ustekabean eta atsekabez jaso dugu Karlos Apeztegiaren atxiloketa eta ondorengo espetxean sartzeko agindua. Karlos Apeztegiak Etxerat elkartean egiten du lana, Frantziako Estatuan dauden euskal presoen senideei ematen diogun laguntza tekniko eta humanoaren baitan, hain justu".

Halaber, Etxerat-tek azpimarratu egin du "gatazkaren ondorioen konponbidean eta bakearen alde, gure elkartearen baitan Karlos Apeztegiak egiten duen ekarpena".

Sarek ere atxiloketaren eta espetxearen aurkako arbuioa adierazi du: "ulergaitza" iruditzen zaio: "Atzera garamatza. Urteetako sufrimendua amaitzeko une historiko baten aurrean gauden honetan, aurreko egoera bortitza mantendu eta hain beharrezkoa dugun elkarbizitza egoera bat zapuzteko ekintza gisa baino ezin ulertu genezake Apeztegiaren espetxeratzea".

Espainiarko Gobernuari luzatu dio eskaera, aurreko gobernuak "hasitako mendekuan oinarritutako politikarekin ez jarraitzeko". Sareren iritziz, "jendartearen gehiengoaren behar eta nahiei erantzuteko ordua" da, "balentriaz jokatzeko" garaia "bakearen eta elkarbizitzaren alde". Atxiloketa eta espetxeratzea, ordea, "norabide horren aurka" doala uste du.

Mobilizazioak

Sortuk, bestalde, "bakean eta bizikidetzan sakontzeko garaia" dela nabarmendu du, "ez sufrimendua hauspotzekoa". "Edozein oztopo jartzeko kapaz izaten jarraitzen dute Euskal Herriari eta Kataluniari haien etorkizuna bakean eraikitzen ez uzteko. Hori ez da demokrazia. Utz gaitzazue bakean".

Zenbait batzar eta mobilizazio antolatu dituzte atxiloketa eta espetxeratzea salatzeko. Hernanin, gaur egingo du elkarretaratzea Sarek, 20:00etan, eta ostiralean manifestazioa izango da, ordu berean. "Bereziki" azken protesta horretan parte hartzera deitu du Sortuk.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Baionako ospitalea, artxiboko irudi batean. ©Guillaume Fauveau

Mugak irekitzeko eskariak ugaritu egin dira

Berria

Edouard Philippek aipatu du mugako kontrolak kentzeko aukera. Ekainaren 15etik aitzinera izanen litzateke. Iñigo Urkulluk eta Alain Roussetek eskari horixe egin dute; Urkullu Espainiako presidenteari zuzendu zaio, eta Rousset, Frantziakoari, gutun bidez. «Akitania Berria-Euskadi-Nafarroa Euroeskualdean mugaz gaindiko mugikortasuna errazteko» eskatu diete. Nafarroako Gobernuak ere bat egin du eskari horrekin.

Gipuzkoaren eta Lapurdiren arteko mugako saltokiak. Muga ekainaren 15ean zabaltzea «litekeena» dela esan du Edouard Philippe Frantziako lehen ministroak. ©Jon Urbe / Foku

Ipar Euskal Herria bigarren fasean sartuko da ekainaren 2tik aitzina

Oihana Teyseyre Koskarat

Ostatuak zabalduko dituzte, baina neurri zorrotzak errespetatzeko baldintzarekin. Hirugarren fasea ekainaren 22an hastea espero dute.

Irun eta Hendaia arteko muga, apirila erdian ©Guillaume Fauveau

«Mugaz gaindiko mugikortasuna zabaltzeko» eskatu dute Urkulluk eta Roussetek

Berria

Gutun bat bidali dio Iñigo Urkullu EAEko lehendakariak Espainiako Gobernuko presidenteari, «Akitania Berria-Euskadi-Nafarroa Euroeskualdean mugaz gaindiko mugikortasuna zabaltzeko». Gutun beraren kopia helarazi dio Alain Rousset Akitania Berriko presidenteak Edouard Philippe Frantziako Gobernuko lehen ministroari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna