Noiz sortua: 2019-02-08 21:39:15

Euskara

Ertzaintzaren aurrean salatu dute hizkuntz eskubideen urratzea

Ernaik eta EHEk deituta, elkarretaratzea egin dute Donostiako Antigua auzoan. Argia-k ere bat egin du, informatzeko eskubidearen alde.

Donostiako Antigua auzoan Ertzaintzaren aurrean egindako protesta, gaur.
Donostiako Antigua auzoan Ertzaintzaren aurrean egindako protesta, gaur. Jon Urbe/Foku

Berria -

2019ko otsailak 8

Erasorik ez erantzunik gabe. Euskaraz bizitzera goaz lelodun pankartaren atzean bildu dira protestan hamarka herritar, Ernai gazte antolakundearen eta EHE Euskal Herrian Euskaraz mugimenduaren deiari erantzunez. Ernaiko eta EHEko banderak eskuetan, iazko maiatzean gazte batek ertzainei euskaraz egiteko eskatu ondoren, 600 euroko isuna jarri diotela salatzeko. Gazteak iragarri du ez duela isuna ordaintzeko asmorik.

Argia-ko kazetari Lander Arbelaitz ere salatu dute bi ertzainek, gertakari haien berri ematean agenteak "iraindu" zituela iritzita. Martxoaren 20an deklaratu beharko du kazetariak Donostiako 2. instrukzio auzitegian. Hedabide horrek ere bat egin du protestarekin, eta Informatzen jarraituko dugu. Kazetaritza ez da delitua lelopean. 

Elkarretaratzean, Arbelaitz berak, EHEko Urko Aierbek eta Ernaiko Eneka Alvarezek —isuna jaso duen gaztea da— gutun bat helarazi diete ertzainei, hizkuntz eskubideen urratzea salatzeko. "Euskal Herrian euskaraz" oihuak egin dituzte protestan bildutakoek.

Bizitza Da Handiena dinamikaren barruan, Ernaik agerraldia zuen iazko maiatzean hiriaren "turistifikazioa" salatzeko, eta Ertzaintza joan zen. Ernaiko kideetako batek euskaraz egiteko eskatu zien, eta poliziek identifikatu egin zuten; isuna ezarri diote, mozal legea baliatuta —zigorra erdara hutsez bidali diote—.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Aitor Esteban, Espainiako Kongresuan. ©Ballesteros / EFE

EAJk Madrili eskatuko dio malgutzeko hirugarren fasea

Berria

Hurrengo fasearen inguruko erabakiak autonomia erkidegoek hartu beharko lituzketela azpimarratu du EAJren Espainiako Kongresuko bozeramaile Aitor Estebanek. Haren ustez, alarma egoera berriz luzatzea onartuz gero, azken aldia izan beharko luke: «Ezin da gehiago luzatu».

Mari Luz Esteban eta Elixabete Garmendia. / ©GORKA RUBIO, FOKU

«Zahartzaroari ematen zaion tratamenduaren metafora da gertatu dena»

Maider Galardi F. Agirre

Koronabirusaren krisia piztu denetik, maiz hitz egin da adinekoen zaurgarritasunari buruz, eta, oraindik, kalera irteteko mugak dituzte adinekoek. Mari Luz Esteban antropologoak eta Elixabete Garmendia kazetariak, ordea, salatu dute adinkeria dagoela, eta beharrezkoa dela nagusiagoei ahots propioa ematea.

Espainiako poliziak, Lapurdi eta Nafarroa arteko mugan. ©JAGOBA MANTEROLA/ FOKU

Mugako baldintzak malgutzeko eskatu dute Urkulluk eta Roussetek

Ekhi Erremundegi Beloki

Gutun bat bidali diete Frantziako eta Espainiako gobernuei, «euroeskualdean mugaz gaindiko joan-etorriak zabaltzeko»

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna