Albistea entzun

Akusazioen hutsuneak agerikoak izan dira auzipetuen deklarazioen txandan

 

Jon Ordoñez Garmendia -

2019ko otsailak 26 10:56

Cuixartekin eta Forcadellekin amaitu da gaur Kataluniako epaiketan buruzagi independentisten deklarazioen txanda. Otsailaren 13an hasi zen deklaratzen Oriol Junqueras, eta lehen fase hau amaituta lekukoak hasiko dira asteartean deklaratzen. Auzipetuen deklarazioek hainbat gako utzi dituzte, eta horien artetik nabarmentzen da Fiskaltzak oraingoz ez duela lortu frogatzea auzipetuek indarkeria erabili zutenik sedizioaz baliatzeko. Hori bakarrik ez, akusazioek hainbat hutsune utzi dituzte agerian deklarazioen lehen txanda honetan. Informazio okerra, lekuz kanpoko baieztapenak eta zentzurik gabeko galderak ugariak izan dira akusazioen partetik, eta Manuel Marchena epaileak berak behin baino gehiagotan ohartarazi behar izan ditu euren jardun okerragatik. Baita aretoan bilduta zeudenei ere barre egin baitute jardun horrek eraginda.

"ANCko edo Omniumeko kidea zara?", galdetu diote Turulli. Cuixarti, berriz, ea bazekien irailaren 20an Ekonomia Kontseilaritzan zeuden poliziek ogitartekoak eskatu zizkiotela mosso bati. Gainera, epaiketa behar bezala prestatu gabe eraman dutela utzi dute agerian, katalanezko hainbat hitz itzultzeko eskatu dietenean auzipetuei edo A-7 autobidearen eskumena Generalitatea dela esan dutenean (estatuarena da). Marchenak hainbat kasutan esku hartu behar izan du, eta adierazi auzipetuek nahi dutena erantzuteko eskubidea dutela, edo galdera ulergarriak egiteko eskatzeko: "Estatuaren abokatu anderea, ni galdu naiz". Fidel Cadena fiskalak, gainera, une batean esaten du irailaren 20an Guardia Zibilaren zazpi auto "suntsitu" zituztela, eta gero dio berak ez duela "suntsitu" hitza erabili. BERRIAk zuzenean eman du epaiketa guztia orain arte, eta zuzenean ikusi ahal izanda. Bideoak, azpidatzita, BERRIA telebistan edo BERRIAren YouTubeko kanalean daude ikusgai.

Lehen fase hau amaituta, bigarren hasiko da. Lekukoen txandan, ordena hau dago aurreikusita:

Asteartea: Joan Tarda (10:00), Roger Torrent (10:30), Artur Mas (11:00), Soraya Saenz de Santamaria (11:30), Cristobal Montoro (12:00), Mariano Rajoy (16:00), Marta Pascal (16:30), Nuria Gispert (17:00), Eulalia Reguant (17:30) eta Antonio Baños (18:00).

Asteazkena: Iñigo Urkullu (10:00), Gabriel Rufian (10:30), Albano Dante-Fachin (11:00), Ernest Benach (11:30), Ada Colau (12:00), Juan Ignacio Zoido (16:00), Xavier Domenech (16:30), Josep Ginesta (17:00), Francesc Iglesies (17:30) eta Adria Comella (18:00).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Txertoa hartzeko ilarak, Londresen. / ©Andy Rain, EFE

Txertatzera behartzeak «azken aukera» behar duela izan adierazi du OMEk

Arantxa Elizegi Egilegor

Osasunaren Mundu Erakundeak berretsi du Europan eta Asia erdialdean delta aldaera dela oraindik ere zabalduen dagoena. Austriak igandean amaituko du itxialdia.

Matxino huthi batzuk hileta batean, atzo. ©YAHYA ARHAB / EFE

Saudi Arabiak gidatutako koalizioak eta matxino huthiek elkarri eraso egin diote

Igor Susaeta

Nazioarteko koalizio militarrak leporatu die matxinoei Riadeko auzoetara misilak jaurtitzea. Huthiek adierazi dute Saudi Arabiaren petrolio enpresa publikoaren instalazioari eraso egin diotela.

Palmondoak landatzeko prestatutako eremu bat Acehen, Indonesian. / ©HOTLI SIMANJUNTAK, EFE

Herri indigenen lurrak baliatzeko baimena ukatu diete auzitegiek palma olioa ustiatzen duten enpresei

Arantxa Elizegi Egilegor

Indonesia da palma olio esportatzaile handiena. Papua probintzian milioi bat hektarea baso lur bideratu dituzte palma olioa ekoiztera 2000. urtetik.

 ©MARCO SANTOPADRE

«Sardiniak ez du tokirik Italiako historiaren kontakizunean»

Marco Santopadre

Italiarekiko menpekotasunak Sardiniaren garapen demokratiko eta ekonomikoa mugatu duela uste du Onnisek, eta, hori gainditzeko, oinarrizkotzat jo du estaturik gabeko herriekiko harremanak bultzatzea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.