Albistea entzun

Korrika

Korrikan ere ‘ahobizi’ eta ‘belarriprest’ rolak jokatzera deitu dute Topaguneak eta AEK-k

Korrika Euskaraldiaren esperientzia errepikatzeko testuinguru paregabea dela nabarmendu dute, gaur, AEK-ko eta Topaguneko ordezkariek, Bilboko Itsasadarra museoan egin duten agerraldian.

AEK-ko eta Topaguneko ordezkariak, gaur, Bilboko Itsasadarra museoan.
AEK-ko eta Topaguneko ordezkariak, gaur, Bilboko Itsasadarra museoan.

Gorka Berasategi Otamendi -

2019ko martxoak 6

Euskaldiaren estraineko esperientziari bi urte barru bigarren Euskaraldiarekin jarraipena emango zitzaiola iragarri zuen Euskaltzaleen Topaguneak. 2020ko azarora itxaron gabe, baina, ahobizi eta belarriprest rolak Korrikan berreskuratzera deitu dute Topaguneak eta AEK-k. Jasone Mendizabal Euskaltzaleen Topaguneko zuzendariak "euskarazko hizkuntza-praktikak zabaltzen jarraitzeko, aldatutako ohitura horiei eusteko eta euskarazko harremanak zaintzeko" eskatu die herritarrei. Eguneroko ariketa horiek lantzeko, Korrikak testuinguru ezin hobea eskaintzen duela nabarmendu dute. Aurten, apirilaren 4tik 14ra ospatuko da Korrika, eta Garestik Gasteizera egingo du 2.560 kilometroko ibilbidea.

Euskaraldiak sustatu duen hizkuntza ohituren aldaketa Korrikaren aurtengo leloarekin eta helburuarekin bete-betean bat datorrela nabarmendu du Mertxe Mugika AEKko koordinatzaile nagusiak. Klika aukeratu dute lelo, eta jarrerak aldatzea jarri dute helburu: alegia, euskararen alde "klik" egitea.  "Klika eta inertziak apurtzea eskutik doazen ekintzak dira", adierazi du Mertxe Mugika AEKren koordinatzaile nagusiak. Euskaraldian parte hartu dutenek "euren hizkuntza praktikak aztertu" eta ohiturak aldatzeko erabakia hartu zutela gogorarazi du.

AEK-k eta Topaguneak ahobizi eta belarriprest guztiei dei egin diete ikurrekin eta beren portaerarekin hizkuntza ohitura aldaketa ikusaraztera, "AEK-k aurten egin duen proposamenari jarraituz, klika egiteko, aldaketak eragiteko, urrats berriak emateko".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñigo Urkullu lehendakaria, atzo, Eusko Legebiltzarrera sartzen. ©RAUL BOGAJO / FOKU

Jaurlaritzak 200 euro emango ditu hilero haur bakoitzeko, umeek 3 urte bete arte

Jone Arruabarrena

Demografiari buruzko bilkura monografikoa egin dute Eusko Legebiltzarrean. Arlo pribatuan ere amatasun eta aitatasun baimenak hemezortzi astekoak izatea eskatu dute

Uemak arnasguneetako barne garapena sustatzeko neurriak eskatu ditu

Olatz Enzunza Mallona

Hizkuntza politikaren ikuspegitik estrategia demografikoa «giltzarria» dela dio Uemak, eta euskara horietan txertatzeko ekarpenak egin ditu
 ©IÑIGO URIZ / FOKU

«Erru gutxiago behar dugu, eta oxigeno gehiago»

Julen Aperribai

Euskararen patuaz kezka duen orok, hots, mundu justuago baten ikuskera duten guztiek etziko mobilizazioa bere egitea nahi dute Agirrek eta Garaikoetxeak.
 ©IDOIA ZABALETA / @FOKU

Feministak sanferminetako sexu erasoen aurkako mahaitik altxatu dira

Ion Orzaiz

Indarkeria Sexistaren Aurkako Emakumeen Plataformak salatu du Maia alkateak «edukiz hustu» duela sexu indarkeriaren aurkako kanpaina

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...