Biziko bost militantek Baionako polizia etxera joan behar izan dute, gaur goizean, Poliziak deituta. Deklaratzera deitu dituzte, Macronen lau argazki Miarritz (Lapurdi), Uztaritz (Lapurdi), Donibane Garazi eta Mauleko herriko etxeetatik kentzeagatik. Taldean eginiko lapurreta leporatu diete. Biziko kideek ez deklaratzea erabaki dute, eta aske utzi dituzte. Bizik adierazi duenez, ez diete jakinarazi galdeketek segida izango duten ala ez. Seigarren kide batek datozen egunetan joan beharko du deklaratzera.
Gaur galdezketatuak izan diren Bizi-ren 5 militanteak libro atera dira, ez dute deus deklaratu. Poliziak ez die erran galdezketa horiek segidarik ukanen duten ahal ez. Goiz huntan 8:30tan, 50 pertsona bildu ziren komisaldegiaren aitzinean beren sustengua ekartzeko #SortonsMacronpic.twitter.com/5iBpCneoIc
— Bizi ! (@bizimugi) 9 de abril de 2019
Polizia etxearen atarian, dozenaka herritarren sostengua jaso dute militante ekologistek. Haiek sinboloak defendatzen dituzte, guk bizitza defendatzen dugu zioen elkarretaratzeko pankarta batek.
Biziko militanteek adierazi dute erabat egiten dituztela bere lau erriko etxetan egin dituzten protesta ekintzen ondorioak. Macronen argazkiak erretiratuta, Frantziako presidenteak klima aldaketa eragozteko neurrik nahikoa ez duela hartu salatu du Bizik. 75.000 euro arteko isunak jaso ditzakete.
BIZI MUGIMENDUA, @bizimugi
Macronen erretratuak erakunde publikoen eraikinetatik kentzeko protesta ekintza Frantziako Estatu mailan sustatu denetik, Poliziak 23 lagun atxilotu ditu eta 43 deitu ditu deklaratzera.
