Alderdiak

Ciudadanosek fiskaltzan salaketa bat jarri du Errenteriako gertakariez

Espainiako alderdiak ezker abertzalea eta Ernai egin ditu gertatutakoaren erantzule.

Albert Rivera, Errenterian. /
Albert Rivera, Errenterian. / Javier Etxezarreta/EFE

Berria -

2019ko apirilak 17

Ciudadanosek Espainiako Estatuko Fiskaltzan salaketa bat aurkeztu du igandean Errenterian (Gipuzkoa) haren ekitaldian izandako gertakariez. "Irain, mehatxu eta gorroto" delituak egin ote ziren aipatu du, eta uste du ezker abertzalea eta, zehazki, Ernai egon zirela protesten atzean.

Idatziaren arabera, Errenteriakoa ez zen izan "alderdi batekiko edo haren ideiekiko desadostasuna adierazteko bat-bateko elkarretaratze bat, ezker abertzalearen inguruan kokatzen den Ernai erakundeak antolatutako azpijoko bat baizik". Froga gisa aurkeztu dituzte sare sozialetan zabaldutako hainbat mezu, haien arabera "Ernairena litzatekeen" kontu batetik. 

Alderdiak eskatzen du idetifikatu ditzatela Ernairen Twitter kontua baliatzen dutenak eta ikertu ditzatela Errenteriako ekitaldian "indarkeriazko ekintzak sustatu eta haietan parte hartu zutenak".  

Bestetik, atzo Bilbon Ertzaintzak moztu egin zuen Euskalduna jauregi aurreko kalea, eta neurketak egin eta frogak jaso zituen. Antza, ikerketak zerikusia du larunbatean Voxen ekitaldia zela-eta gertatutakoarekin. Ertzain batek gazte bat larri zauritu zuen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna