Noiz sortua: 2019-05-17 09:42:59

JOSU URRUTIKOETXEAREN ATXILOKETA

Urrutikoetxea espetxeratzeko agindu du epaileak

Fiskalak goizean jakinarazi dio atxilotze agindua. 2017an ezarritako zortzi urteko zigor bat bete dezan atzeman dute.

Ustez Urrutikoetxea bizi zen etxea, Saint-Gervais-les-Bainsen (Frantzia).
Ustez Urrutikoetxea bizi zen etxea, Saint-Gervais-les-Bainsen (Frantzia). Antonio Broto / EFE

Jon O. Urain -

2019ko maiatzak 17

Josu Urrutikoetxea ETAko buru izandakoa atzo atxilotu zuten Frantziako Alpeetako Sallanches herrian, eta gaur eraman dute Parisko fiskalaren aurrera. Hark eman dio atxilotze aginduaren berri, eta jakinarazi 2017an ezarritako zigor bat betetzeko atzeman dutela. Urte horretan, Parisko Auzitegiak Urrutikoetxea zortzi urtera zigortu zuen auzi ihesean, ETAren egitura politikoan aritzea egotzita.

Goizean, Bonnevilleko espetxetik fiskalaren aurrera eraman dute, eta, ondoren, epaile batek erabaki behar zuen haren askatasunaz. Hark agindu du Urrutikoetxea behin-behinean espetxeratzeko; Efe agentziak auzitegietako iturriak aipatuz zabaldu duenez, La Santeko kartzelara eraman dute.

Urrutikoetxearen atxiloketak arrabotsa atera du gaur ere. Jesus Egiguren PSE-EEko presidente ohiak "erretretaren heroitzat" jo zuen atzo, eta, gatazken konponbidean erabilitako kontzeptua bada ere, barkamena eskatu du Egigurenek: "Iraingarria izan daiteke biktimekiko, zintzoki barkamena eskatzen diet". Ñabartu du ez zuela Urrutikoetxea "goraipatu edo zuritu" nahi izan. Hitzon harira, Espainiako Gobernuko bozeramaile Isabel Zelaak esan du ETAren biktimak direla "benetako heroiak".

Goizean, Pablo Salas Guardia Zibilaren Informazio Zerbitzuko general buruak agerraldi bat egin du Fernando Grande-Marlaska Espainiako Barne ministroarekin, eta azaldu du zergatik zuten lehentasun gisa Urrutikoetxearen atxiloketa: ETAn eginiko ibilbideagatik, erakundearentzako "ikur bat" izateagatik eta ETAk 2011ko urrian jarduera armatua behin betiko uzteko erabakian izandako "rol politikoagatik". Marlaskak Guardia Zibilaren lana goretsi du, eta erantsi erakundea desegin izanak ez duela esan nahi "krimen guztiak ikertzeari" uko egingo diotenik.

Urrutikoetxea askatzearen alde martxa bat egingo dute bihar Ugaon, Bizkaian (18:30). Urrutikoetxearen sorterria da Ugao.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna