Ipar Euskal Herriko alor desberdinetako 60 lagun ezagunek "bake prozesua bultzatzeko" Miarritzen (Lapurdi) larunbatean egingo den giza katea babestu dute eta han parte hartzera deitu; 300en batek sinatu dute deialdia. Euskal presoak lehentasun hartzez gain, biktimak ere izan dituzte gogoan, gaur arratsaldean Miarritzen egindako prentsa agerraldi batean. "Lehen egunetik diogu: prozesuaren bi elementu nagusiak biktimak eta presoak dira", esan du haien denen izenean Anne Marie Bordesek.
Hotel du Palais eta Birjinaren haitza lotuko ditu giza kateak. 16:00etan hasiko da eta hiru kilometrokoa izango da, sei eremutan banatuta. Ostiralean, berriz, Gure elkarbizitza eraikitzeko topaketa izenpean, hitzaldi eta mahai inguruak izango dira Miarritzen bertan, Bellevue kasinoan, 19:00etatik aurrera.
Batetik, "salbuespeneko" neurriak kentzeko eskatu diote Frantziako Estatuari: DPS estatusak erretiratzeko euskal preso denei; preso guztien hurbilketa; eta baldintzapeko askatasunak onartzeko, larri dauden presoak askatzeko eta zigorren komutazioa Frederic Haranburu, Jakes Esnal eta Ion Paroten kasuan —30. urtea dute preso—. Bestetik, "konponbide orokor eta erabatekoa" galdegin dute: preso eta iheslari guztien gizarteratzea, eta biktima denen ezagutza, egia eta erreparazioa.
"Euskal Herriko bake prozesuak atzera egiterik" ez duela adierazi dute. "Aldebakartasuna izanen da elkarbizitza lasaitu eta demokratikoaren motore". Bake bidearen eraikuntzan "alde guztiak" beharrezko direla deritzote, eta nabarmendu dute herri eragile asko engaiatu dela bide horretan azkeneko urteetan. "Izan gaitezen denak bakegile, bake justu eta iraunkor baten alde, iragana errepikatu ez dadin".
Hona sektore desberdinetako 300 pertsonek izenpetu duten deialdia. Ekainaren 8an denak Biarritzera!! #OrainPresoak#GizaKateapic.twitter.com/M59hCnPZBf
— Artisans de la Paix (@Artisans_Paix) 2019(e)ko ekainaren 3(a)
Jendarte zibili osoari zuzentzen gira berriz ere eta ekainaren 7 eta 8-an Miarritzen iraganen diren hitzorduetan parte hartzeko. #OrainPresoak#BakeaEuskalHerrianpic.twitter.com/ElPaI0PAc1
— Artisans de la Paix (@Artisans_Paix) 2019(e)ko maiatzaren 16(a)
TOPAKETA| Egitaraua
— Bake Bidea (@BakeBidea) 2019(e)ko maiatzaren 28(a)
âž¡ï¸Ã‚ Hona hemen ekainaren 7an #Biarritz|eko Bellevue aretoan Bakegileekin batera antolatu dugun topaketaren egitaraua.
#BakeaEuskalHerrianpic.twitter.com/kTa7rIX5l5
