Eusko Jaurlaritzako Segurtasun Sailak jakinarazi duenez, Ertzaintzak zulo bat topatu du gaur goizean; bi bidoi zeuden gordeta, eta horien barruan zeuden lehergailu ugari, detonagailuak, tenporizadoreak eta ETAren ikur bat. Arraia-Maeztuko (Araba) lurretan topatu dute zuloa, mendialdean, herritar batek abisua eman eta gero.
Bertara joan dira Ertzaintzako Lehergailuen Unitateko poliziak, Polizia Zientifikoko Unitateaz gain. Lehen azterketen arabera, material horrek gutxienez hamar urte dauzka.
Ertzaintzak ikerketa bat abiatu du, eta guztiaren berri eman dio Espainiako Auzitegi Nazionalari.