Euskara

Andoaingo EAJk dio PSEren aldebakarreko erabakia izan dela udalbatzarrak gazteleraz egitea

EAJk adierazi du udal gobernuan koaliziokide duen PSE-EEk erabakia zuzentzea espero duela.

Andoaingo udalbatza osatzeko saioa, joan den ekainaren 15ean.
Andoaingo udalbatza osatzeko saioa, joan den ekainaren 15ean. Gotzon Aranburu/Foku

Berria -

2019ko uztailak 2

Maider Lainez alkate sozialistak agintaldiko lehen udal bilkuran jakinarazi zuen erabakia: batzordeetan eta egunerokoan euskaraz egiten duen arren, osoko bilkuretan gaztelera hutsean egingo duela, "herritar guztien alkate" delako eta hitzaldiak "hobeto uler" daitezen. Andoaingo EAJk ohar bidez adierazi du ez zaiola ongi iruditzen alkatearen jokabidea. "Norberak askatasunez adierazteko duen ahalmen osoa bermatu nahi dugu, baina, horretarako, ez da bidezkoa euskara baztertzea".

PSE-EE udal gobernuan koaliziokide duen arren, EAJk salatu du neurria ez duela erabaki Angoaingo udal gobernua osatzen duen taldeak, eta ez duela jaso ENBAren (Euskararen Normalizaziorako Batzordea) eta Euskara sailaren hobespena. "Alderdi sozialistak aldebakartasunez hartutako erabakia" izan dela nabarmendu du.

EAJk gaineratu du "orain arte bezala euskararen eta haren sustapenaren aldeko politikak" bultzatzen jarraituko duela. "Kasu honetan, gainera, EANBA-Euskara lansailaren gidaritzatik". Alderdi jeltzaleak azaldu du "tinko" aritu dela lanean Andoainen, euskara bizirik mantentzeko eta sustatzeko, eta horren adibide aipatu du 2018-2022rako Euskararen Normalizaziorako Plana, aurreko legealdian udalbatzak aho batez onartu zuena.

Oharrean dioenez, EAJk espero du PSE-EEk atzera egitea, eta udalbatzarrak gaztelera hutsean egiteko erabakia bertan behera uztea.

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Langile bat, Garesen, piperra biltzen iaz. ©Jesus Diges / efe

Nafarroan, PCR probak egingo dizkiete sasoikako langileei

Joxerra Senar

Abuztutik urrira bitartean, ardorako mahats bilketan edo bestelako barazki eta fruituen uzta bilketarako Nafarroaz kanpotik etorriko diren langileei probak egingo dizkiete, etan positibo emanez gero, konfinamenduan lagunduko die gobernuak.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Pentsionisten elkarretaratzea Bilboko Justizia Jauregian. ©Aritz Loiola

Pentsiodunek pandemiako testigantzen txosten bat aurkeztuko diote EAEko Fiskaltzari

Maialen Arteaga

Irailaren 7an bilduko dira fiskalarekin pandemiako testigantzak eta datuak biltzen dituen txostena helarazteko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna