Noiz sortua: 2019-07-10 14:41:54

Hegazkin tasa

Miarritzeko hegaldiei ekotasa bat ezarriko diete 2020tik aurrera

Klasearen eta bidaiaren arabera, 1,5 eta 18 euro artekoa izango da tasa. Hegazkinen kutsadurarekin lotutako neurri bat dela azaldu du Frantziako Gobernuak.

Miarritzeko aireportua
Miarritzeko aireportua Bob Edme

Laida Goiburu Agirre -

2019ko uztailak 10

Miarritzetiko aireportutik (Lapurdi) ateratako hegaldietako erabiltzaileek tasa bat ordaindu beharko dute 2020tik aurrera. Hala adierazi du Frantziako Gobernuak. Hegazkin txartelean ekotasa bat sartuko du, hegazkinek sortzen duten kutsadurarekin lotua. Klasearen eta bidaiaren arabera, 1,5 eta 18 euro bitartekoa izango da tasa bidaiari bakoitzeko.

Hegazkin enpresek isuriak mugatu ditzaten hartu dute erabakia, François de Rugy Trantsizio Ekologikoko ministroaren esanetan, gutxiago kontsumitzen eta kutsatzen duten hegazkinen erabilera sustatzeko. Haren arabera, jada posible da hegazkinek erregai begetalekin funtzionatzea.

Oraingoz, Frantziaz gain, Belgika, Holanda eta Luxenburgo agertu dira horrelako neurrien alde. Horrekin lotuta, Trantsizio Ekologikoko ministroak adierazi du "Europako herrialdeen koalizio bat" osatu nahi dutela, kerosenoaren gaineko zerga bat "progresiboki" martxan jartzeko.

Izan ere, BC3ko ikertzailearen arabera, hegaldien emisioak eta edukiontzi handien itsas garraioak eragiten dituenak batzen badira, turismoari lotutako isurien %15 hortxe daude.

Hegazkin txartelen tasa berri horren bidez, urtean 180 milioi euro lortzea espero du Parisek, eta iragarri du diru hori garraio azpiegiturak finantzatzeko erabiliko dutela; %75 trenbideetarako izango da.

Airekoek sortzen duten kutsadurari buruzko eztabaida ez da berria. Europa iparraldeko herrietan gero eta gehiago dira hegazkinean bidaiatzeari uko egiten diotenak, garraiobide horrek sortzen duen kusadura dela eta. Suedian, esaterako, Stay on the ground mugimendua sortu da, eta haren aldekoek uko egiten diote hegazkinez mugitzeari.

Orain Frantziak egin duen moduan, Suedian ere indarrean da ekotasa, eta handik ateratako dirua trenak sustatzeko erabili du gobernuak. Baina denak ez datoz bat erabakiarekin: badira salatzen dutenak "bidegabea" dela kutsaduraren ordaina soilik bidaiarien esku uztea, eta horren ordez konpainiei ordainarazi beharko litzaiekeela.

 

Albiste gehiago

Martxoaren 28an eguneratua, 14:00etan. ©BERRIA

Koronabirusaren azken datuak

Berria

Euskal Herrian 6.987 gaixok eman dute positibo koronabirusaren proba eginda, administrazioen arabera. 312 hil dira. COVID-19 gaitza izandako 988 pertsonari eman diete alta. Grafikoak, albiste barruan.

Jolas parkeak duela bi aste itxi zituzten. Irudian, horietako bat Donostian. / ©Gorka Rubio, Foku

Funtsezko jarduerak zeintzuk diren erabaki ahal izatea eskatu du Urkulluk

Berria

Eusko Jaurlaritzako lehendakariak gutun bat bidali dio Pedro Sanchez Espainiako presidenteari, eta eskatu dio autonomia erkidego bakoitzak erabaki ahal izatea zeintzuk diren jarduera kritikorako lagungarriak eta beharrezkoak diren jarduerak eta enpresak.

Langile batzuk lanean, joan den astean, Hernaniko lantegi batean. ©J. URBE / FOKU

Konfinamendu osoa bihartik, Hegoaldean

Jokin Sagarzazu

Madrilek eten egin ditu funtsezkoak ez diren jarduera guztiak, bihartik apirilaren 9ra. Langileek ohiko soldata jasoko dute, eta lanorduak gero egingo dituzte.

Galdakaoko ospitaleko langileak, hildako erizainaren aldeko elkarretaratzean. ©Aritz Loiola / Foku

Koronabirusaren datuak, udalerrika

Jon O. Urain

Gasteizen dago kutsatu gehien: 1.563. Ondoren, Bilbon (844) eta Iruñean (685).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna