Noiz sortua: 2019-07-18 22:16:39

Politika

Javier Maroto senatari izango da, Gaztela eta Leongo ordezkari gisa

Pablo Casado PPko buruak Marotori Senatuan tokia egitea erabaki du. Gasteizko alkate ohiak ez zuen Kongresurako eserlekua lortu Araban, Espainiako azken hauteskundeetan. Casadok kanpoan utzi du Ignacio Cosido iaztik PPren Senatuko bozeramaile izan dena.

Javier Maroto PPko idazkariorde nagusia, artxiboko argazki batean.
Javier Maroto PPko idazkariorde nagusia, artxiboko argazki batean. David Aguilar/EFE

Berria -

2019ko uztailak 18

Javier Marotok kolpea hartu zuen Espainiako azken hauteskundeetan. Kongresurako hautagai aurkeztu zen Araban, eta, aurretik, PPren arduradun nagusietako bat izan zen lurraldean —Gasteizko alkate izan zen 2011tik 2015erako legealdian—, baina eserlekurik gabe gelditu zen. 442 botoren aldearekin, EH Bilduk eskuratu zuen Kongresurako ordezkaria, eta Iñaki Ruiz de Pinedo izendatu zuten diputatu, Marotoren kaltetan. Emaitza estua izan zen hauteskunde gauean, eta atzerritik emandako botoak zenbatu arte ez zen argitu eserlekua PPk ala EH Bilduk lortuko zuen.

Hautesleek apirilaren 28an eman ez dioten tokia emango dio orain Pablo Casado PPko presidenteak. Senatari izendatuko du Maroto, Gaztela eta Leondik. Marotok ez du lotura esturik erkidego horrekin, eta ez da sekula han bizi izan. Senatari izateko, Segovian erroldatu behar izan du. Gainera, Gasteizko alkate ohiak hainbatetan nabarmendu izan du Arabatik hurbil sentitzen dela. Martxoaren 15ean, kanpainaurre giro betean, honako hau adierazi zuen Marotok bere Twitter kontuan: "Nire lurrarengatik aurkezten naiz hauteskundeetara. Beti nire lurrarengatik, beti Gasteizengatik eta Arabarengatik. Konplexurik gabe defendatzen beti. Orain ere bai. Elkarrekin. Batuta".

Maroto PPko idazkariorde nagusia da egun, eta diputatu izan zen Espainiako Kongresuan, aurreko legealdian. Kargu horren ardura hartzeko, Gasteizko Udala utzi zuen, 2016ko urrian. Ordurako, alkate ohia zen, oposiziora igaro baitzen 2015eko ekainean, Gorka Urtaran alkate izendatu zutenean.

Marotoren izendapenarekin, Casadok Senatutik kanpo utziko du Igancio Cosido PPren senatari taldeko bozeramailea. Cosido Espainiako Poliziaren zuzendari nagusi izan zen 2012 eta 2016 artean, eta, zenbait informazioren arabera, Kataluniako politikari independentistak ikertzeko espioitza sarearekin nahastuta egon da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Ertzaintzaren kontrol bat, Kantabriako (Espainia) mugan. ©Aritz Loiola / Foku

Beste hiru pertsona hil dira COVID-19ak jota

Berria

Hamalau pertsonak eman dute positibo Hego Euskal Herrian PCR proban. Ez dute inor ospitaleratu, eta pertsona bat atera dute zainketa intentsiboen unitatetik.

Herritarrak paseoan, Donostiako Ondarreta hondartzaren ondoan. ©JON URBE / FOKU

Hirugarren fasera igaroko da Hego Euskal Herri guztia

Ainhoa Larretxea Agirre

Hirugarren fasetik aitzinera, autonomia erkidegoetako lehendakariek izango dute erabakiak hartzeko eskumena. Alarma egoera bukatu arte, etenda egongo dira Nafarroaren eta EAEren arteko joan-etorriak. Nafarroan elkarte gastronomikoak irekiko dituzte, baina tabernetako barrek itxita jarraituko dute. Jaurlaritzak bihar emango ditu hirugarren faseari buruzko azalpenak.

Arroabeko haur eskola, artxiboko irudi batean ©urola kostako hitza

Partzuergoko haur eskolak ekainaren 22an irekiko dituztela jakinarazi diete sindikatuei

Irati Urdalleta Lete

LABek plantorako deia egingo du, «prebentzio plan egokia» adostu ezean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna