Noiz sortua: 2019-07-31 09:15:21

G7koen goi bilera

G7koen gailurraren kontrako bi sabotaje ekintza aldarrikatu dituzte

Arrangoitzeko golfean "pozoi ekologikoa" bota dutela eta Bilbo eta Santander arteko trenbidea moztu dutela esan dute agiri batean.

BERRIA Tamaina handiagoan ikusi

Berria -

2019ko uztailak 31

"Zapaltzaileen kontrako borrokak segitzen du" goiburupean, azken egunetan bi sabotaje ekintza aldarrikatu dituzte agiri batean. Egileek ez dute izenpetu, baina agorrilaren 24tik 26ra Miarritzen (Lapurdi) iraganen den G7koen goi bileraren kontrako mezuak hedatu dituzte. "G7 eta bere munduaren borrokatzea, Euskal Herriko lurrak, herriak eta bizilekuak kapitalisten jostaleku izatearen borrokatzea da", adierazi dute BERRIAri helarazitako agirian. Hala, bi sabotaje ekintza egin izana aldarrikatu dute: Arrangoitzeko (Lapurdi) golfa "pozoi ekologikoarekin suntsitu" izana, eta Bilbo eta Santander arteko trenbidea "eten" izana. Arrangoitzeko Golfeko idazkaritzak adierazi duenez, ez dira "ezeren jakinean".

Bi sabotaje ekintza horiek ez dira G7koen goi bileraren kontra egin diren ekinaldi bakarrak. Azken asteetan, eskuorri bat agertu da, egin diren ekintzetako batzuk azaltzen dituena. Besteak beste, Mc Donald’s eta Decathlonen kontrako ekintza Donostian, hainbat kutxazain automatikoren kontrako sabotajea Bilbon, Casino eta beste lau ostaturen kontrako sabotajeak Miarritzen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Donostiako Kontxa hondartza, pasa den asteartean. ©Gorka Rubio, Foku

Hondartzen erabilera «dinamikoa» egiteko eskatu du Jaurlaritzako Osasun Sailak

Berria

Osasun Sailak eskatu du hondartzak kirola egiteko, paseatzeko eta bainatzeko erabiltzea, baina ez hondarretan geldirik egoteko. Bizkaian, Areetan, Lagan, Laidan eta Ean hartu dute hondartza «dinamikoak» ezartzeko erabakia. Lapurdiko hondartzak, berriz, maiatzaren 16an ireki zituztenetik dira «dinamikoak». Egunaren zuzeneko kontakizuna, albistearen barruan.

Mari Luz Esteban eta Elixabete Garmendia. / ©GORKA RUBIO, FOKU

«Zahartzaroari ematen zaion tratamenduaren metafora da gertatu dena»

Maider Galardi F. Agirre

Koronabirusaren krisia piztu denetik, maiz hitz egin da adinekoen zaurgarritasunari buruz, eta, oraindik, kalera irteteko mugak dituzte adinekoek. Mari Luz Esteban antropologoak eta Elixabete Garmendia kazetariak, ordea, salatu dute adinkeria dagoela, eta beharrezkoa dela nagusiagoei ahots propioa ematea.

Hilberriak jakinarazteko taula, Eibarren (Gipuzkoa). ©GORKA RUBIO / FOKU

Koronabirusak hildakoak, osasun eremuka

Berria

Arabako, Bizkaiko eta Gipuzkoako osasun eremu bakoitzean zenbat gaixo hil diren kontsultatzeko modua jarri du Eusko Jaurlaritzak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna