Noiz sortua: 2019-08-10 07:28:11

EUSKAL PRESOAK

Tramiterako onartu dute Voxek Hernaniko eta Oñatiko alkateen aurka jarritako salaketa

Jose Jabier Zabaleta Baldo eta Xabier Ugarte euskal presoei Hernanin eta Oñatin egindako harrera ekitaldien harira, EH Bilduko bi alkateak salatu zituen Voxek, eta tramiterako onartu du salaketa Espainiako Auzitegi Nazionaleko 4. Instrukzio aretoak.

Jose Jabier Zabaleta 'Baldo', larunbatean, Hernanin.
Jose Jabier Zabaleta 'Baldo', larunbatean, Hernanin. Jon Urbe/Foku

Jon O. Urain -

2019ko abuztuak 10

Jose Jabier Zabaleta Elosegi Baldo euskal presoa uztailaren 27an atera zen libre Zuerako (Zaragoza, Espainia) kartzelatik, eta sorterrian egin zioten harrera egun berean, Hernanin (Gipuzkoa). Ugarteri, berriz, Oñatin (Gipuzkoa) egin zioten harrera; 22 urteko zigorra bete ondoren atera zen Topasko kartzelatik (Salamanca, Espainia).

Ongietorri horien harira, salaketa aurkeztu zuen Voxek Xabier Lertxundi eta Izaro Elorza Hernaniko eta Oñatiko alkateen, ekitaldiak antolatu zituztenen eta "ekitaldien hedapen eta publizitatean lagundu" zuten guztien aurka. Zehazki, alderdi ultraeskuindarrak salatu zuen "terrorismoa goratu" zela ekitaldi horietan, eta, beraz, Espainiako Zigor Kodearen 578. eta 580. artikuluak urratu zituztela.

Orain, Voxek berak jakinarazi duenez, Auzitegi Nazionaleko 4. Instruzkio aretoak tramiterako onartu du salaketa. Gainera, autoan, epaileak prozedura bakarrean batu ditu Voxen salaketa eta AVT biktimen elkarteak aurkeztutako salaketa.

Herenegun, areto bereko epaileak Guardia Zibilari eskatu zion identifika ditzala ongietorrien antolatzaileak. Ekitaldi horietan inork indarkeria goraipatu ote zuen ere ikertzeko eskatu dio epaileak Poliziari. Fiskalak egin zion eskaera, Espainiako Gobernuaren aginduz, eta onartu egin zuen epaileak.

Soka politiko luzea eragin dute bi harrerek. Gaur, Eusko Jaurlaritzako bozeramaile Josu Erkorekak esan du "positiboa eta desiragarria" litzatekeela ezker abertzaleak eskatzea ez daitezela harrera publiko gehiago egin presoak espetxetik irtetean, eta "legeek eta epaileek diotenaz harago", eskatu dezala ekitaldi horiek modu pribatuan egitea: "Delituak egin dituzten pertsonak omentzea, publikoki eta modu deigarrian eginez gero, ez dira onargarriak ikuspuntu etikotik".

Iñaki Oiartzabal PPko Arabako presidenteak, berriz, EAJri egotzi dio "beste alde batera" begiratu izana presoei ongietorriak egin zaizkienean: "Horiek dira benetan hau onartu dutenak".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Ertzaintzaren kontrol bat, Kantabriako (Espainia) mugan. ©Aritz Loiola / Foku

Beste hiru pertsona hil dira COVID-19ak jota

Berria

Hamalau pertsonak eman dute positibo Hego Euskal Herrian PCR proban. Ez dute inor ospitaleratu, eta pertsona bat atera dute zainketa intentsiboen unitatetik.

Herritarrak paseoan, Donostiako Ondarreta hondartzaren ondoan. ©JON URBE / FOKU

Hirugarren fasera igaroko da Hego Euskal Herri guztia

Ainhoa Larretxea Agirre

Hirugarren fasetik aitzinera, autonomia erkidegoetako lehendakariek izango dute erabakiak hartzeko eskumena. Alarma egoera bukatu arte, etenda egongo dira Nafarroaren eta EAEren arteko joan-etorriak. Nafarroan elkarte gastronomikoak irekiko dituzte, baina tabernetako barrek itxita jarraituko dute. Jaurlaritzak bihar emango ditu hirugarren faseari buruzko azalpenak.

Arroabeko haur eskola, artxiboko irudi batean ©urola kostako hitza

Partzuergoko haur eskolak ekainaren 22an irekiko dituztela jakinarazi diete sindikatuei

Irati Urdalleta Lete

LABek plantorako deia egingo du, «prebentzio plan egokia» adostu ezean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna