Herri mugimenduak

AEMk salatu du haien aurkako "jazarpena areagotu" duela Poliziak

"Jarraipenak eta bat-batean jarritako errepide kontrolak" ez ezik, "militante batzuen etxeetan eta autoetan ere sartu" direla ohartarazi du Amnistiaren aldeko eta Errepresioaren aurkako Mugimenduak.

AEMk Donostian egindako manifestazio bat, irailean.
AEMk Donostian egindako manifestazio bat, irailean. Idoia Zabaleta/Foku

Berria -

2019ko abuztuak 13

Valentin Diaz Blanco Guardia Zibileko koronelak maiatzean egindako adierazpen batzuetan jakinarazi zuen "ikerketa bat" abian dutela AEM Amnistiaren aldeko eta Errepresioaren aurkako Mugimenduaren aurka; besteak beste, militante batzuk "monitorizatuak" zituztela esan zuen. "AEMren sorreratik bertatik izan dira gure militantziaren aurkako jarraipenak", salatu du AEMk ohar batean. "Ez da egoera hau salatzen dugun lehenengo aldia". Azkenaldian, ordea, Poliziaren "jazarpena areagotu" egin dela ohartarazi du mugimenduak, "komunikabide faxistek errepresioaren jopuntua gure gainean jartzen duten bitartean".

"Oraingoan, jarraipenei eta bat-batean jarritako errepide kontrolei, militante batzuen etxeetan eta autoetan sartu izana gehitu behar dizkiegu", azaldu dute: "Kasu guztietan, hankaz gora utzi izan dute dena, baina inoiz ezer lapurtu gabe, eta, beraz, lapurreta kasuak ez direla ondoriozta daiteke. Kasu hauek denboran eta formetan bat egiten dute, eta antzeko funtzioak aurrera eramaten ari diren militanteen kontra burutu dituzte".

AEMk gogora ekarri du ikasle eta gazte mugimenduetako hiru kidek ere salatu dituztela jarraipenak eta kolaborazio eskaerak, eta ondorioztatu du "errepresioa ez dela desagertzen, baizik eta bere intentsitatea modulatzen duela". Horregatik, "militantziarako eskubidea" aldarrikatu dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Erizain bat, gazte bati txertoa ematen, Brasilen. Umeak txertatzeko ohiko kanpainetan jaitsiera nabaritzen hasi dira aurten ©FERNANDO BIZERRA JR / EFE

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, txertoari buruzkoak.

Garbiketa neurriak, lehengo astean, Azkoienen. ©IDOIA ZABALETA / FOKU

Neurri zorrotzagoak, pandemiak eragin handiena duen hirietan

Uxue Rey - Arantxa Iraola

Murrizketak iragarri ditu Espainiako Gobernuak, 100.000 biztanletik gorako hirietarako. Hegoaldean antzemandako positiboen erdiak, Nafarroan. Kezka azaldu du Txibitek

 ©CARLOS DE SAA / EFE
 ©GORKA RUBIO / FOKU

«Pila bat entzun dut errudun izatearen sentimendua dutela»

Irati Urdalleta Lete

Beldurrak, kezkak, erruduntasun sentimendua... Askotariko bizipenak dituzte positiboek eta haiekin kontaktu estua izateagatik itxialdia egin behar dutenek. Horiek gainditzeko gakoak eman ditu Elizondok.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna