Noiz sortua: 2019-08-13 08:36:05

politika

Navarra Sumak akordioa eskaini die PSNri eta GIHri, Uharten EH Bilduk goberna ez dezan

Amparo Lopez PSNko Uharteko alkateak dimisioa aurkeztu zuen atzo.

Amparo Lopez Uharteko alkate sozialista ohia, erdian, atzo, dimisioa ofizialki aurkezteko deitutako osoko bilkuran.
Amparo Lopez Uharteko alkate sozialista ohia, erdian, atzo, dimisioa ofizialki aurkezteko deitutako osoko bilkuran. / ION ANDONI CASTILLO Tamaina handiagoan ikusi

Jon O. Urain -

2019ko abuztuak 13

Navarra Sumak "akordio konstituzionalista bat" osatzea proposatu die PSNri eta GIH Uharteko Talde Independenteari, EH Bilduk ez dezan lor alkatetza. Maiatzeko hauteskundeetan, EH Bildu izan zen Uharteko lehen alderdia, bost zinegotzi lortuta. Ondoren, GIH taldeak lau lortu zituen, eta Navarra Sumak, bi. Azkenik, Geroa Baik eta PSNk zinegotzi bakarra lortu zuten. Amparo Lopez sozialistak bere hautagaitza aurkeztu zuen, eta GIHren eta Navarra Sumaren botoak jaso zituen, EH Bilduk alkatetzari eustea galarazteko.

Atzoko osoko bilkuran, ordea, dimisioa eman zuen Lopezek, eta behin-behineko alkatea izendatu zuten: Iñaki Crespo, GIHko (Uharteko Independenteen Taldea) zerrendaburua. Datorren asteko ostegunean egingo dute alkate berria aukeratzeko bilkura, eta, horri begira, Navarra Sumak iragarri du "baliabide guztiak" jarriko dituela "edozein konponketak alkatetza ezker abertzaleari ematea" saihesteko: "Maria Txibiteren gobernuak sortutako egoerak eta Uharten azken bi hilabeteetan ikusi diren gertaerek susmoak pizten dituzte, eta pentsarazi PSNk Uharteko alkatetza erortzen utz dezakeela Bildu saritzeko, inbestiduran emandako zeharkako babesarengatik".

Ohar batean, Navarra Sumak ohartarazi du litekeena dela PSNk EH Bilduren alkatetza ahalbidetzea, Ramon Alzorriz PSNko Antolakuntza idazkariak esana duelako "zailtasunak" dituztela Lopezen ordezko bat bilatzeko: "Konponketa lotsagarri hori prestatzen egon liteke alkatea aukeratu behar duen bilkurari begira". Hori "ulertezina" irudituko litzaioke eskuineko koalizioari.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 25ean eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, zortzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 28.496 gaixok eman dute positibo guztira, koronabirusa atzemateko probaren bat eginda. Horietatik 2.020 hil dira. Grafikoak, albiste barruan.

Ikasle bat ikasgelan, Donostiako Axular Lizeoan. ©Gorka Rubio / Foku

Eskola «gutxitan» itzuli dira ikasgelara, sindikatuen arabera

Berria

ELA, LAB, Steilas, CCOO eta UGT sindikatuen arabera, ikastetxe «gutxi» izan dira gaur ateak ireki dituztenak. Sindikatuek protesta egin dute Gasteizko Eusko Jaurlaritzaren egoitzaren aitzinean.

Ikasgelara itzulera

Abian da itxialdiaren bigarren arindua

Berria

Konfinamendua samurtzeko neurriak ugaritu direla agerikoa izan da gaur; hondartzetan, makrodendetan, ostatuetan eta eskoletan aldaketa eguna izan da. Sindikatuek ohartarazi dute arretaz aztertuko dutela ea ikasleak eta irakasleak segurtasunez itzultzen ari diren eskolara, eta hala ez bada mobilizazioak egingo dituztela nabarmendu dute.

 

Arrrigunagako hondartza, Bizkaian. ©Marisol Ramirez / FOKU

Paisaia aldatzen (eguneko laburpena)

Pello Urzelai

Hildakorik gabeko egun baten ondoren, berriz zenbatu dira hildakoak, baina gorabeherak daude Nafarroako datuekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna