Osasuna

Homosexualitateak eta promiskuitateak gastroenteritisa eragiten dutela dio Nafarroako Unibertsitateko klinikak

Opus Deiren ospitaleak larrialdi zerbitzuetan jarduteko gida batean jaso duenez, homosexualitatea eta promiskuitatea gastroenteritisaren kausetako bi dira.

Nafarroako Unibertsitatea klinikaren Iruñeko egoitza.
Nafarroako Unibertsitatea klinikaren Iruñeko egoitza. Wikipedia

Berria -

2019ko abuztuak 13

Nafarroako Unibertsitateko klinikaren iritziz, larrialdietan gastroenteritisa diagnostikatzeko orduan beharrezkoa da "ohitura sexualetan" arreta jartzea. Etiologia edo gaixotasunen jatorria argitzeko "oinarrizko" datuen artean aipatu ditu Opus Deiren klinikak ohitura sexualei dagozkienak. Zehazki, gastroenteritis akutuari buruzko txosten batean egin du aipamena. Público egunkariak aurreratu duenez, dokumentu horretan bereziki deitzen du gaixoaren "promiskuitatea / homosexualitatea" kontuan hartzera "proktitis eta Shigella, salmonella, Campylobacter eta gonorrea infekzioak" atzemateko.

Ohitura sexualez gain, gaixoaren bestelako datu batzuk ere biltzeko gomendatzen du gidak. Horien artean, berriki egindako bidaiei buruzko informazioa, lanbidea —bereziki, "haur eskoletan, hiltegietan eta gaixoekin harremana duten erakundeetan" lan egiten ote duen—,  elikagai kutsatuak jan ote dituen, edo toxinekin eta intsektizidekin kontakturik izan duen.

Nafarroako Unibertsitateko klinikak bere jardunerako irizpideen artean du "Eliza Katolikoaren irakaskuntza moralen arabera" jokatzea. Opus Deiren klinikaren kode etikoak zehazten du hala. "Klinikaren jarduera guztiek —asistentzialak, ikerketakoak eta abar— pertsonen bizitza errespetatu behar dute, existentzia ernalketan hasten denetik heriotza naturalean amaitzen den arte. Halaber, moral katolikoaren irizpideei jarraitu behar diete sexualitateari eta giza ugalketari lotutako gaietan".

Donostiako ospitalearen Beherako akutu kasuetarako erizaintza jarduera txostenean, homosexualitatea eta promiskuitatea ez dira ageri gastroenteritis kasuetan kontuan hartu beharreko datu epidemiologikoen artean. Público-ren arabera, ohitura sexual horiei buruzko aipamenik ere ez da jasotzen Errioxako, Andaluziako eta Nafarroako gobernuen osasun sailetako larrialdi zerbitzuen protokoloetan ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga, atzo, Eusko Jaurlaritzaren Bilboko egoitzan. ©Miguel Toña / Efe

Eusko Jaurlaritzak osasun larrialdia ezartzeko asmoa du

Andoni Imaz

Urkullu jarduneko lehendakaria litzateke batzorde bereziaren burua berriro ere, eta aukera izango luke jendea bakartzeko eta joan-etorriak mugatzeko. Murgak eta Tapiak agerraldi bat egingo dute bihar, hartuko dituzten neurriak esplikatzeko.

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Osasun langileak PCR probak egiten Donostian, aurreko astean. ©Gorka Rubio/FOKU

Azpeitiko Erdikalean ibili zirenei proba egiteko eskatu die Jaurlaritzak

Berria

Abuztuaren 7tik 9ra bitartean kale horretan ibilitakoek egin beharko dute testa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna