Noiz sortua: 2019-08-22 07:16:11

G7koen goi bilera

Sindikatuek prekaritatea salatu dute Hendaiako McDonalds aurrean

Horrez gain, manifestazio inprobisatu bat ere egin dute militanteek. Ambazada etxolaren erreplika bat eraman dute kanpalekutik Hendaiako portura. "Karrika gurea da" oihu artean egin dute ibilbidea.

Nagore Arin -

2019ko abuztuak 22

Hasi da G7koen goi bileraren aurkako kontragailurraren bigarren jardunaldia. Askotariko mintzaldi, tailer eta egitasmoen artean, Hendaiako (Lapurdi) McDonalds inguruan bildu dira LAB, CGT eta Solidaires sindikatuak. Herri piknika banatzeko bildu dira han, "prekaritatearen" aurka "elikadura burujabetza" aldarrikatzeko asmoz: "Bertako haragiarekin egindako hanburgesak jango ditugu orain, sagardoarekin lagunduta". Halaber, Garbiñe Aranburu LABeko idazkari nagusiak nabarmendu du McDonalds "sistema kapitalistaren adierazle garbi bat" dela.

Atzo hasi zen kontragailurra, etah geroztik, kapitalismoaren aurkako militanteen topaleku bilakatu dira gune asko; horien artean, Topaketa Intergalaktikoa deituriko gunea. Gaurkoan, manifestazio inprobisatu bat egin dute, Notre-Dames-Des-Landeseko BBGtik ekarri duten Ambazada etxolaren erreplika gune horretara eramateko. Kanpalekuan ezarri zuten lehenengo, orain, ordea, Topaketa Intergalaktikoetara eraman dute.

"Karrika gurea da" oihu artean joan dira manifestariak, errepidetik barrena. Kantu doinuz ere jantzi dute giroa, eta jendetza elkartu da Ambazadaren inguruan. "Erakutsi diezaiegun karrikan libreki ibiltzeko eskubidea dugula", adierazi dute ozen manifestariek. Ibilbidearen erdia eginik, jendarmeen motoak hurbildu dira militanteen ingurura, eta une horretan indartu egin dira oihu eta aldarriak. Azkenean, bidea irekitzen lagundu diete jendarmeek.

Hendaiako hondartza bazterrera iristean, "hondartza abandonatuan, barrikadak eta LBD [40 milimetroko gomazko pilota edo flashball-a jaurtitzen duen fusila]" dioen pankarta atera dute manifestariek, aldarrien artean oihuka: “Hendaia altxa zaitez”. Bidean aurrera, eskuekin hartu behar izan dute egitura une batez, etxola ibilgailuen artetik pasatzen ez zela eta, aurrera jarraitu ahal izateko. Azkenean, kantuz iritsi dira portura, eta txalo zaparrada artean amaitu dute manifestaldia.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Azkeneko 24 orduetan COVID-19 gaitzak ez du inor hil du Euskal Herrian, eta hamasei positibo atzeman dituzte PCR probekin. Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Gazte bat Iruñeko igerileku batera sartzen, joan den astean. ©IDOIA ZABALETA / FOKU

Bi lagun hil dira eta bertze hogei positibo atzeman dituzte Euskal Herrian

Maddi Ane Txoperena Iribarren

Detektatutako azken kasuetatik bosna daude Araban, Bizkaian, Gipuzkoan eta Nafarroan. Baliteke batek lotura izatea Orioko kasuekin

Produktibitatea
Hainbat pertsona Iruñean, maskarak jarrita dituztela. ©IÑIGO URIZ / FOKU

Nafarroan 10.351 pertsonak pairatu dute gaitza, gobernuaren arabera

Igor Susaeta

Hego Euskal Herrian bost pertsonak eman dute positibo PCR proban. Murgarentzat, orain ez dago «transmisio komunitariorako arriskurik»

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna