G7koen goi bilera Miarritzen

Guztira, 20.000 polizia mobilizatuko dituzte G7ko bilerarako

Nafarroako Gobernuko datuak falta direlarik, Frantziako Gobernuak, Espainiakoak eta Eusko Jaurlaritzak eman dituzte eurenak. Espainiak 2.810 polizia prestatu ditu.

Poliziak koordinatzeko bilera, gaur, Donostian.
Poliziak koordinatzeko bilera, gaur, Donostian. Juan Herrero / EFE

Jon O. Urain -

2019ko abuztuak 22

Fernando Grande-Marlaska Espainiako Barne ministroa Donostian izan da gaur, Koordinazio Operatiboko Zentroaren bileran, G7koen goi bileraren harira hartuko dituzten segurtasun neurriez hitz egiteko. Bilera larunbatetik astelehenera bitartean izango da, Miarritzen, baina jada oztopoak eragiten ari da Miarritze inguruko herrietan. Hendaian, berriz, kontragailurra egiten ari dira atzotik biharrera.

Asteburuan "segurtasuna eta herritarren eskubideak eta askatasunak bermatzeko", Espainiako Gobernuak 2.810 polizia prestatu ditu; hala jakinarazi du Grande-Marlaskak: "Poliziak prest daude goi bilera batzuetan sortzen diren ekintza biolentoak saihesteko". Zehazki, 1.878 guardia zibil eta 932 polizia ariko dira "informazio, atzerri eta mugen kontrol" lanetan.

Bileran hartu dute parte Jaurlaritzako Segurtasun sailburuorde Josu Zubiagak eta Espainiako Gobernuak Euskal Autonomia Erkidegoan eta Nafarroan dituen ordezkari Jesus Lozak eta Jose Luis Arastik ere. Ertzaintzako, Foruzaingoko eta Espainiako Segurtasun Indarretako goi kargudunak ere izan dira, Eric Morvan Baionako suprefetaz gain.

Grande-Marlaskak azaldu du "koordinazio lan garrantzitsua" egin dutela, ziurtatzeko G7koen goi bilera eta horren aurkako kontragailurra modu "baketsuan" igaroko direla, "sentsibilitate sozial guztiek gauzatu ditzaten beren eskubide eta askatasunak modu baketsuan. Hori da zuzenbide estatuen handitasuna".

Beraz, Euskal Herrian egunotan egongo diren poliziak 20.000ra iritsiko dira guztira. Izan ere, Frantziako Gobernuak 13.200 polizia eta jendarme ekarri ditu goi bilerarako, Christophe Castaner Frantziako Barne ministroak jakinarazi zuenez. Jaurlaritzak, berriz, 4.000 ertzain inguru prest ditu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

 ©Juan Carlos Ruiz / Foku

COVID-19ak hiru hildako utzi ditu Nafarroan

Berria

13.012 PCR egin dituzte Hego Euskal Herrian, eta horietatik 842k positibo eman dute. 

Protesta bat Gasteizen. ©E.PORTILLO/ FOKU

Arabako zahar etxeak ere, grebara

Erredakzioa

Hiru lanuzte egingo ditute, ELAk, LABek, UGTk eta CCOOk deituta, «prekarizazioa» salatzeko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna