G7koen goi bilera Miarritzen

Baionako manifestazioan 38 pertsona atxilotu dituzte

Larunbatean, 17:00etan, manifestazio bat sortu zen atzo, eta ehunka lagun abiatu ziren, baina Poliziak bidea itxi zieten, negarra eragiteko gasa eta ur kanoikadak jaurtita. Baiona Ttipian itxi zituzten manifestariak. Autobus zerbitzua etenda egon zen, eta erdialdeko zubiak burdinazko hesiekin itxi zituzten poliziek.

Istiluak

Berria -

2019ko abuztuak 25

Miarritzen da G7koen goi bilkura, baina Baiona ere poliziaz eta kontrolez josita dago larunbat arratsalde honetan. Azken egunetan ere polizia ugari ibili dira, baina, antza, komunikatu gabeko manifestazio baterako deialdia egina zegoela-eta, Poliziak ia erabat hustu eta itxi du Baiona erdigunea.

Denda eta taberna asko itxita egon dira. Inguruko zubietan jarri dituzte hesiak, eta Herriko Etxeak abisu bat ere eman du, Twitter bidez, 17:20 aldera: "Manifestazio bat aurreikusita dagoela eta, segurtasun indarrak erdigunerako bidean diren zubiak ixten ari dira oraintxe. Hiriko autobusak geratuak dira".

Baiona Ttipitik manifestazio bat atera da 18:00ak pasatuta, eta Jaka Horien kantuak abestu dituzte, besteak beste. Manifestariek jakinarazi dute Castorama Angeluko dendara joateko asmoa zutela, Poliziak hiriko erdigunea itxita duen arren. Azkenean, zubietako batean, manifestariei oldartu zaie Polizia, ura eta negar gasa erabiliz. Harriren bat bota dute manifestariek.

Pirinio Atlantikoetako prefeturak gauean jakinarazi du 68 pertsona atzeman dituzte segurtasun indarrek. Horietatik 38 polizia etxera eraman dituzte. Indarkeriazko ekintzak egitea edota "arma gisa erabiltzeko susmagarriak" ziren tresnak edukitzea. Nolanahi ere, prefeturak berak zehaztu du ez dela inor zauritu, eta dendetan ere ez dela izan kalte nabarmenik.

Itxia egon da Baionako erdigunea, eta kontrolez josita, oro har, hiriburua. Autobidetik Baionarako seigarren irteeran, esaterako, kontrol bat zegoen. Santa Ezpirituko zubian ere zorrotza zen kontrola. San Andresen, berriz, poliziek kazetari talde bat gerarazi dute, eta kaskoak eta maskarak kendu dizkiete. Orobat, kazetari ugarik salatu dute poliziek lanerako traba asko jarri dizkietela.

Genie zubian, berriz, giza eskubideen ligako petoa zeramaten hiru andre eraman dituzte poliziek, antza "defentsa materiala" zutelako.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna