Katalunia

EH Bilduk ordezkaritza bat bidaliko du Diadara

Maddalen Iriarte parlamentaria, Mertxe Aizpuru diputatua eta Pernando Barrena europarlamentaria joango dira Kataluniara irailaren 11n.

EH Bilduk Kataluniara bidaliko duen ordezkaritzan izango da Maddalen Iriarte. JAVIER ETXEZARRETA, EFE
arantxa elizegi egilegor
2019ko irailaren 7a
06:47
Entzun

Urtero bezala, EH Bilduk ordezkaritza bat bidaliko du Kataluniako Diadako ekitaldietara. Alderdiak Parlamentuan duen bozeramaile Maddalen Iriarte, Mertxe Aizpurua Espainiako Kongresuko eleduna eta Pernando Barrena europarlamentaria izango dira Bartzelonan datorren irailaren 11n.

Alderdiak ohar batean zabaldu duenez, Kataluniako alderdiekin biltzeko eta harremanak sendotzeko baliatuko dute bidaia euskal ordezkariek. EH Bilduko kideek Rafael Casanovari egiten zaion lore eskaintzan eta arratsaldeko manifestazioan ere hartuko dute parte.

EH Bilduz gain, Diadan parte hartzeko asmoa iragarri dute Gure Eskuk eta Independentistak Sareak ere. Gure Eskuk dei egin du "katalanekin oinarrizko eskubideen defentsan" bat egitera, eta Independentistak Sareak ekitaldia egingo du Bartzelonako Euskal Etxean.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.