Diada

Bartzelonako Euskal Etxetik irtengo da Independentistak Sarearen martxa

15:00etan abiatuko da kalejira, Gran Via aldera, eta, han, bat egingo dute ANCk antolatutako ekitaldiarekin.

Independentistak sareko kideak, iaz, Diadan.
Independentistak sareko kideak, iaz, Diadan. Oriol Clavera

Berria -

2019ko irailak 10

Diada egingo dute bihar Katalunian, eta, urtero moduan, han izango dira Euskal Herriko ordezkariak ere, Independentistak Sareko kideak, besteak beste. ANCk Independentzia helburu leloarekin antolatutako manifestazioan parte hartzera deitu dute horiek, eta euskal herritar guztiak elkarrekin joan ahal izateko martxa antolatu dute Bartzelonako Euskal Etxetik Gran Viaraino; han, 21 eta 22 tramoen artean kokatuko dira gutziak.

15:00etarako jarri dute biltzeko ordua Euskal Etxearen parean, Born auzoan. Handik Gran Via eta Muntaner kaleen arteko bidegurutzera joango dira, eta han bat egingo dute ANCk irudikatu asmo duen olatu erraldoiarekin.

"Borroka honetan, katalanek beste jokatzen dugu geuk ere. Guztion etorkizuna jokoan dago. Espainiako Estatuak, prozesu subiranista katalana eragotzi eta porrot eginaraziz, independentismoari aukera eta bide guztiak itxi nahi dizkio Katalunian zein Euskal Herrian". Horren aurrean indarrak batzeko deia egin du plataformak, eta elastiko, zapi eta banderola berdeekin edota bestelako euskal ikurrekin joateko eskatu du.

Biharko ekitaldiaren aurretik, hala ere, egingo dute besterik Katalunian. Gaur gauean, esaterako, 131 zuzi piztuko dituzte Montserrat mendian, Generalitateko 131 presidenteen omenez. Espero da 40 kilometro baino gehiagoko distantziara ikusiko direla. Ekintza horrek, argi horiek, Kataluniako mugimendu independentistaren batasun estrategiko galdua aldarrikatuko dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna