Klima Larrialdia

Macronen potret bat kendu dute Paris ondoan, bederatzi aktibista ekologisten auzia iragaten ari dela

Macronen potretak Euskal Herriko zein kanpoko hainbat Herriko Etxetatik kentzeagatik, zortzi aktibistaren eta kazetari baten epaiketa egiten ari da gaur Parisko Auzitegia. Denbora berean, Saint-Oueneko (Ile-De-France) Herriko Etxeko potreta kendu dute hainbat lagunek.

Aktibista ekologistek antolaturiko
Aktibista ekologistek antolaturiko "potreten martxa" Baionan, agorrilaren 25ean. Guillaume Fauveau

Oihana Teyseyre Koskarat -

2019ko irailak 11

G7koen goi bileraren garaian, Baionan atera zituzten eragile ekologistek lapurtutako 128 potretak, Emmanuel Macron Frantziako presidentearen engaiamendurik eza salatzeko klima larrialdiarekiko. Urte osoan Bizi, Alternatiba eta ANV COP21 mugimenduek aitzina eramandako kanpainaren emaitza izan zen.

Hain zuzen ere, Bizi mugimenduko zazpi kide atxilotu zituzten, joan den maiatzaren 28an. Aurretik, apirilaren 9an, bost kide Baionako polizia etxera deitu zituzten deklaratzera. Taldean eginiko lapurreta leporatu zieten.

Gaur, zortzi aktibista ekologistaren eta kazetari baten auziaz arduratzen ari dira Parisen, delitu bera egotzita. Bost urteko kartzela zigorra eta 75.000 euroko isuna ukan dezakete. Aldi berean, Macron presidentearen 130 potret kendu dute hainbat aktibistak Saint-Ouengo (Ile-De-France) Herriko Etxetik, "akusatuei elkartasuna helarazteko eta gobernuaren klima politika salatzeko".

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna
S: