Noiz sortua: 2019-09-12 21:13:08

Migratzaileak

Mediterraneora abiatzeko baimena eskatu du Aita Marik

Italiako edo Maltako uretan laguntza humanitarioa ematea da SMH elkarteko ontziaren helburua. Baliteke baimenak migratzaileak erreskatatzeko muga bat ezartzea.

Aita Mari itsasontzia, Pasaiako Portuan.
Aita Mari itsasontzia, Pasaiako Portuan. Gorka Rubio / FOKU

Paulo Ostolaza -

2019ko irailak 12

SMH Itsas Laguntza Humanitarioa GKEak gaur eskatu dio Espainiako Sustapen Ministerioari Pasaiako Portutik Mediterraneo itsasora jo ahal izateko baimena, Italiako edo Maltako uretan laguntza humanitarioa emateko lanetan jardun izateko —elikagaiak eramaten, nagusiki—.

Iñigo Mijangos SMHko presidenteak azaldu duenez, migratzaileak erreskatatzeko operazioetan parte hartzeko muga izango du, agian, datozen egunetan jasoko duten baimenak. Kasu horretan ere Mediterraneora joateko asmoa erakutsi du.

Ekainaren 30etik dago Aita Mari itsasontzia Pasaiako Portuan, eta amaitu berri dituzten konponketa batzuk egiten. Apiriletik ekainera bitartean Greziako errefuxiatuei laguntza humanitarioa ematen jardun zuen.

Albiste gehiago

 ©Berria

Koronabirusaren azken datuak

Berria

Euskal Herrian 6.263 gaixok eman dute positibo koronabirusaren proba eginda, administrazioen arabera. 266 hil dira. COVID-19 gaitza izandako 775 pertsonari eman diete alta. Grafikoak, albiste barruan.

Koronabirusak jotako gaixo bat, Turingo San Joan Bosco ospitalean. / ©ALESSANDRO DI MARCO, EFE

Italiak ia mila hildako eta 6.000 gaixo gehiago zenbatu ditu 24 orduan

Berria

Italiak aurreko eguneko datuak gainditu ditu berriro ere. Egun bakarrean, koronabirusarekin kutsatutako ia mila hildako eta 6.000 gaixo gehiago baieztatu zituzten atzo. Hala ere, agintariek adierazi dute azken egunetako joerak geldotze bat islatzen duela COVID-19 gaitzaren kutsatzean.

 ©MARTIAL TREZZINI / EFE

«Gobernuak orain hasi dira arazoa ulertzen»

Ion Orzaiz

Mediku eta diplomazialari britainiarrak eskarmentu handia du, besteak beste, ebolak, gripeak eta SARS birusak eragindako izurriteetan. Osasunaren Mundu Erakundeko Europako arduraduna da COVID-19 gaitzaren aurkako estrategian.

Baionako kaleak hutsik, konfinamendu egun batean. ©GUILLAUME FAUVEAU

Konfinamendua apirilaren 15era arte luzatuko dute Ipar Euskal Herrian

Irati Urdalleta Lete

Gehiago luza lezakete, «osasun egoerak behartuko balu». Edouard Philippe Frantziako lehen ministroak esan du gaitzak ez duela «goia jo»

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna