Noiz sortua: 2019-09-16 08:30:42

Politika

Espainiako Gobernuaren erantzuna Riverari: "Nafarroan bada Konstituzioa defendatzen duen gobernu bat"

Sanchezen inbestiduran abstenitzearen truke, Nafarroa "berreskuratzea" proposatu die Riverak horri eta Casadori.

Albert Rivera, gaur goizean Ciudadanosen zuzendaritzaren bileraren ostean egindako agerraldian. /
Albert Rivera, gaur goizean Ciudadanosen zuzendaritzaren bileraren ostean egindako agerraldian. / Rodrigo Jimenez/EFE

Jon Ordoñez Garmendia -

2019ko irailak 16

Aste honetan erabakiko da Espainiako Gorteeterako hauteskundeak errepikatuko diren, eta azken unean, beste aukerarik ez zegoela zirudienean, mugimendu azkar bat egin du Albert Rivera Ciudadanoseko buruak bozak saihesteko. Pablo Casado PPko buruari Sanchezen inbestiduran abstenitzea proposatu dio, horrek "Espainiarekin eta espainiarrekin" hiru konpromiso hartzen baditu. Horietako lehenean Nafarroa "konstituzionalistentzat berreskuratzea" proposatu die Riverak Casadori eta Sanchezi. Espainiako Gobernuak, ordea, (jardunean da Sanchez presidente orain) azkar erantzun dio eta esan du Nafarroan badela Espainiako Konstituzioa defendatzen duen gobernu bat eta ez dutela EH Bildurekin akordiorik egin; beraz, ez dutela arrazoirik ez abstenitzeko.

Goizean egin du proposamena Riverak, eta abstentzioaren truke hiru konpromiso hartzeko eskatu dio Riverari. "Sanchezek [Nafarroan] gobernu konstituzionalista bati baietz esaten badio, [Kataluniako] proces-aren sententziak errespetatzen baditu eta zigortuak indultatzen ez baditu eta ekonomiarekin konprometitzen bada", Ciudadanos prest da bere inbestidura ahalbidetzeko. Riverak esan du gaur arratsaldean bilduko dela Casadorekin Kongresuan eta orduan hitz egingo dutela proposamenaz. Espainiako Gobernua, ordea, eguerdian aurreratu zaio eta hiru baldintza horiek gaur egun betetzen direla erantzun dio. Ciudadanos eta PPri abstentzio teknikoa bultza dezatela eskatu die.

Riverak Nafarroa jarri du Sanchezi eskatu dizkion hiru konpromisoetatik lehenengoan. PSNk, Geroa Bai-k, Ahal Dugu-k eta Ezkerrak duten gobernu akordioa hautsi eta beste mota batekoa ezarri nahi du Ciudadanosek buruak. Lau alderdi horien botoekin eta EH Bilduren abstentzioari esker eskuratu zuen Maria Txibitek presidentetza uztailean, Navarra Sumaren kaltetan. UPNk, PPk eta Ciudadanosek osatutako koalizioa izan zen indar bozkatuena maiatzeko bozetan, baina Riverak gaur proposamena luzatzerakoan ez du argitu zer aukera izango litzatekeen eurentzat zilegi Sanchezen mesedetean abstenitzeko.

Bigarren konpromisoarekin Riverak Sanchez behartu nahi du, indulturik ez emateaz gain, Espainiako Konstituzioaren 155. artikulua ezartzera Katalunian, politikari independentisten kontrako epaiketaren sententzia betetzen ez badute. Azkenik hirugarren konpromisoan zergak ez igotzea nahi du Riverak.

Felipe Borboikoa Espainiako erregea gaur hasi da Kongresuko talde parlamentarioekin biltzen Sanchez berari berriro edo beste norbaiti inbestidurara aurkeztea eskatzeko. Gaur goizean, hain zuzen, Javier Esparza UPNko burua egon da Borboikoarekin bilduta bilera erronda horretan. Esparzak esan du bat egiten duela Riverarekin proposamen horrekin baina iruditzen zaio Sanchezek "Bildu aukeratu" duela berriro eta ez duela etorkizunik proposamen horrek. Sanchezen inbestidurari, beraz, ezetz bozkatuko duela iragarri dio Borboikoari.

Espainiako erregeak ez badu aukerarik ikusten inor Espainiako presidente izateko, Kongresua desegin eta bozetara deituko du berriro. Azaroaren 10ean lirateke berriro hauteskundeak. Apirilean PSOEk irabazi zituen, baina ez da gai izan gehiengo bat osatzeko presidente aukeratu dezaten.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Donostiako Kontxa hondartza, pasa den asteartean. ©Gorka Rubio, Foku

Hondartzen erabilera «dinamikoa» egiteko eskatu du Jaurlaritzako Osasun Sailak

Berria

Osasun Sailak eskatu du hondartzak kirola egiteko, paseatzeko eta bainatzeko erabiltzea, baina ez hondarretan geldirik egoteko. Bizkaian, Areetan, Lagan, Laidan eta Ean hartu dute hondartza «dinamikoak» ezartzeko erabakia. Lapurdiko hondartzak, berriz, maiatzaren 16an ireki zituztenetik dira «dinamikoak». Egunaren zuzeneko kontakizuna, albistearen barruan.

Mari Luz Esteban eta Elixabete Garmendia. / ©GORKA RUBIO, FOKU

«Zahartzaroari ematen zaion tratamenduaren metafora da gertatu dena»

Maider Galardi F. Agirre

Koronabirusaren krisia piztu denetik, maiz hitz egin da adinekoen zaurgarritasunari buruz, eta, oraindik, kalera irteteko mugak dituzte adinekoek. Mari Luz Esteban antropologoak eta Elixabete Garmendia kazetariak, ordea, salatu dute adinkeria dagoela, eta beharrezkoa dela nagusiagoei ahots propioa ematea.

Hilberriak jakinarazteko taula, Eibarren (Gipuzkoa). ©GORKA RUBIO / FOKU

Koronabirusak hildakoak, osasun eremuka

Berria

Arabako, Bizkaiko eta Gipuzkoako osasun eremu bakoitzean zenbat gaixo hil diren kontsultatzeko modua jarri du Eusko Jaurlaritzak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna