Noiz sortua: 2019-09-16 09:44:48

Politika

Jone Goirizelaiak eta Miren Larrionek Eusko Legebiltzarra utzi dute, udal politikan aritzeko

EH Bilduko bi ordezkariek legebiltzarrean lagatako hutsuneak Diana Urreak eta Ibon San Saturninok beteko dituzte.

Jone Goirizelaia eta Miren Larrion legebiltzarrean, Maddalen Iriarterekin hizketan
Jone Goirizelaia eta Miren Larrion legebiltzarrean, Maddalen Iriarterekin hizketan Juanan Ruiz/ Foku

Edurne Begiristain -

2019ko irailak 16

Jone Goirizelaiak eta Miren Larrionek legebiltzarkide karguei uko egin diete, eta, hemendik aurrera, udal politikan arituko dira buru-belarri, EH Bilduk ohar batean jakinarazi duenez. Hemendik aurrera, Goirizelaiak eta Larrionek Bilboko eta Gasteizko Udaletan egingo dituzte euren lan instituzionalak, hurrenez hurren. Iragan maiatzeko hauteskundeetan herritarrekin hartu zuten konpromisoari jarraituta hartu dute erabakia, eta bat dator EH Bilduk udalgintzaren alde egiten duen apustuarekin, koalizioak azaldu duenez.

Goirizelaiaren eta Larrionen ordezkoak, berriz, Diana Urrea eta Ibon San Saturnino izango dira, hurrenez hurren. Diana Urrea (Armenia, Kolonbia, 1987) EH Bilduko legebiltzarkidea izan zen joan den legealdian. Turismoan diplomaduna da Deustuko Unibertsitatean, eta Emakume eta Gizonen arteko Berdintasunari buruzko masterra egina du EHUn. Ibon San Saturnino (Gasteiz, 1975), berriz, Arabako EH Bilduko arduradun politikoa da gaur egun, eta, aurretik, arlo instituzionaleko buru ere izan zen. Arkitektoa da San Saturnino, eta eskubide sozialen aldeko eta arrazakeriaren aurkako herri mugimenduko kidea ere izana da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Donostiako Kontxa hondartza, pasa den asteartean. ©Gorka Rubio, Foku

Hondartzen erabilera «dinamikoa» egiteko eskatu du Jaurlaritzako Osasun Sailak

Berria

Osasun Sailak eskatu du hondartzak kirola egiteko, paseatzeko eta bainatzeko erabiltzea, baina ez hondarretan geldirik egoteko. Bizkaian, Areetan, Lagan, Laidan eta Ean hartu dute hondartza «dinamikoak» ezartzeko erabakia. Lapurdiko hondartzak, berriz, maiatzaren 16an ireki zituztenetik dira «dinamikoak».

Mari Luz Esteban eta Elixabete Garmendia. / ©GORKA RUBIO, FOKU

«Zahartzaroari ematen zaion tratamenduaren metafora da gertatu dena»

Maider Galardi F. Agirre

Koronabirusaren krisia piztu denetik, maiz hitz egin da adinekoen zaurgarritasunari buruz, eta, oraindik, kalera irteteko mugak dituzte adinekoek. Mari Luz Esteban antropologoak eta Elixabete Garmendia kazetariak, ordea, salatu dute adinkeria dagoela, eta beharrezkoa dela nagusiagoei ahots propioa ematea.

Hezkuntza arloko lan eskaintza publiko baterako proba, Barakaldoko BECen, 2018ko ekainean. ©MONIKA DEL VALLE / FOKU

Jaurlaritzak hezkuntzako lan eskaintzara aurkezteko epea irekiko du astelehenean

Jon O. Urain

Epea etenda geratu zen alarma egoera indarrean sartzean. Ekainaren 1etik 5era bitartean egongo da zabalik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna