Espainiako Hauteskundeak

Euskal eragile politikoentzat "albiste txarra" da Espainian bozak berriro egin behar izatea

Iñigo Urkulluk esan du ez dela "erruak banatzeko" garaia, "irtenbideak" proposatzekoa baizik.

Iñigo Urkullu Eusko Jaurlaritzako lehendakaria, gaur, Deustuko Unibertsitatearen ikasturte hasierako ekitaldian.
Iñigo Urkullu Eusko Jaurlaritzako lehendakaria, gaur, Deustuko Unibertsitatearen ikasturte hasierako ekitaldian. Aritz Loiola/Foku

Gotzon Hermosilla -

2019ko irailak 18

Iñigo Urkullu Eusko Jaurlaritzako lehendakaria Deustuko Unibertsitatearen ikasturte hasierako ekitaldian egon da, eta han esan du arduradun politikoen akordiorako "borondate falta" ez dela "albiste ona", baina erantsi du ez dela "erruak banatzeko" garaia, "irtenbideak proposatzekoa" baizik. Nafarroako Gobernuak ere, Javier Remirez eledunaren ahotik, ez du erruen inguruko eztabaidan sartu nahi izan, hori "alderdi politikoen esparrukoa" delakoan, baina onartu du haien nahia zela Espainian "gobernu egonkorra" egotea. Edonola ere, Remirezek eskatu du Nafarroa "ez erabiltzeko" laster irekiko den hauteskunde giroan.

Alderdi politikoetako ordezkariak, berriz, argiago mintzatu dira hauteskundeak berriro egin behar izatearen erantzukizunak zehazteko. EAJren EBBko lehendakari Andoni Ortuzarrek esan du hauteskundeak errepikatuko direla “zenbait politikariren itxikeriagatik”, eta politikari horiek ez dutela egin "egin behar zutena". Antzeko iritzia du Itxaso Atutxa jeltzaleak: haren ustez, ez dute "benetako elkarrizketarako jarrera" erakutsi, eta akordioetara iristeko "borondate eta lanerako gogo gutxi" egon da.

EH Bilduko koordinatzaile nagusi Arnaldo Otegik "hondamenditzat" jo du hauteskundeak berriro egin behar izatea, bozen ostean atea ireki daitekeelako PSOEk eta Ciudadanosek osatutako gobernu baterako: "Gure ustez, [Espainiako] estatuak joko du autoritarioago izatera, murrizketa gehiagora, eta Kataluniaren eta nazio arazoen inguruko jarrera gogorragoetara". Horren aurka, proposatu du "batasunerako ahalegina" egitea "askatasuna murriztu beharrean zabaldu" nahi duten guztien artean.

PSE-EEko idazkari nagusi Idoia Mendiaren iritziz, Unidas Podemosek eta EAJk erakutsi dute ez direla "gobernu progresista baterako bermea", eta sozialistak izan direla gobernu progresista eratzearen alde "lan egin duten bakarrak".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak PCR probak egiten Donostiako Okendo kultur etxean, ostiralean. ©Gorka Rubio/FOKU

500 positibo baino gehiago atzeman dituzte Euskal Herrian

Berria

Bizkaian behera egin dute kasuek: 211 positibo izan dira. Neurriak indartzearen alde agertu dira hiriburuetako alkateak. Ortzaizen, Nafarroa Beherean, hiru pertsonari atzeman diete COVID-19 gaitza.

Neurri bereziak dituen taberna bat, Donostian. ©Gorka Rubio / Foku

Bizkaiko eta Gipuzkoako ostalariek salaketa jarriko dute gaueko aisialdia mugatzearen aurka

Andoni Rekondo Izagirre

Uste dute «neurrigabea» dela 01:30ean ixteko agindua, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati-Irati Urdalleta Lete

Gasteizko zahar etxe bat eta Mutrikuko eguneko zentroa itxi egin dituzte.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman dutela eta

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, tramiteak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna