Euskal presoak

Urriaren 30ean jakinaraziko du epaileak Fernandez Iradiren inguruko erabakia

Gaur arratsaldean aztertu dute Ibon Fernandez Iradi larri gaixo den euskal presoaren auzia. Esklereosi anizkoitza du eta zigorra espetxetik kanpo betetzea eskatu du defentsak. Hilabete du epaileak erabakia hartzeko.

Ibon Fernandez Iradi aske uzteko mobilizazio baten deialdia /
Ibon Fernandez Iradi aske uzteko mobilizazio baten deialdia / BERRIA

Maider Galardi F. Agirre -

2019ko irailak 25

Lannemezango (Okzitania) espetxean dago, eta esklerosi anizkoitza du. Aurretik egin du Fernandez Iradik espetxetik irteteko eskaera, baina ukatu egin diote aukera hori. 2012an diagnostikatu zioten esklerosi anizkoitza. Hamasei urte daramatza espetxean.

Prokuradoreak gaurko ahozko saioa atzeratzeko eskatu arren, Fernandez Iradiren defentsak kasua gaur aztertzearen aldeko eskaera egin du, eta hala onartu du epaileak ere. Maritxu Paulus Basurko abokatuaren esanetan prokuradorea "ez aldeko, ez aurkako; zalantzatik" agertu da: "Gure eskaeraren inguruan dudak agertu ditu, baina ez da aurka azaldu". Edonola ere, hilabete du orain epaileak auzia aztertzeko, eta, ondoren, helegitea jartzeko aukera ere izango da. Paulusek, ordea, zuhurtzia eskatu du, epailearen erabakia ikusi arte. Zigorrak Ezartzeko Frantziako Auzitegia ari da kasua aztertzen.

Muinean, Fernandez Iradiren gaixotasuna espetxearekin bateragarria ote den eztabaidatzen ari dira aldeak. Paulusek oroitarazi du esklereosi anizkoitzak hainbat "eginbehar" eskatzen dituela (tratamendu jarraitua, sendagaiak, bestelako terapiak...), eta kartzelak ez daudela prest hori bermatzeko. Hori da, beraz, ondoko hilabetean epaimahaiak ebatzi beharko duena.

Bide luzea epaitegietan

2014an hasi zuen Fernandez Iradik bide judiziala, espetxea eta gaixotasuna bateragarriak ez direla frogatzeko. Lehen aldian, Kouchner legean oinarritu zen: preso baten osasuna kontuan hartuta, zigorra eten dezake epaileak. Bi medikuk esan zuten Fernandez Iradik espetxetik irten behar zuela, baina prokuradorea aurka agertu zen. Parisko Dei Auzitegiak hirugarren txostena eskatu, eta 2015eko maiatzean ezezkoa eman zuen. Parisko Kasazio Auzitegiak atzera bota zuen. 2016an, prokuradoreak presondegian atxikitzeko eskatu zuen.
 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna