Noiz sortua: 2019-09-30 10:20:08

Austria

Kurz kontserbadorea nagusitu da bozetan, eta eskuin muturrak behera egin du nabarmen

Lehen ministroaren alderdiak botoen %37 lortu ditu. Eskuin muturrak hamar puntu egin du behera, Eivissa auziak kalte eginda. Berdeek, berriz, hamar puntuko hazkundea izan dute (%14,2).

Sebastian Kurz Austriako lehen ministroa, atzo, bere jarraitzaileen aurrean.
Sebastian Kurz Austriako lehen ministroa, atzo, bere jarraitzaileen aurrean. FLORIAN WIESER/EFE

Gorka Berasategi Otamendi -

2019ko irailak 30

Sebastian Kurz Austriako lehen ministro eta OVP Alderdi Popularreko hautagai nagusiak alde handiz irabazi ditu hauteskundeak. APA berri agentziaren proiekzioaren arabera, botoen %37 lortu ditu kontserbadoreak. Emaitza oso antzekoak islatu ditu ORF telebista publikoaren proiekzioak ere.

Karl Nehammer OVPko idazkari nagusiak bere alderdiaren garaipena ospatu du. "Gaur Sebastian Kurzen eta Alderdi Popularraren eguna da". Lehen ministro gaztearen alderdiak —33 urte ditu Kurzek— garaipen "historikoa" lortu dutela adierazi du.

Kurzi mesede egin dio eskuin muturraren beherakadak. Eivissa auzia delako ustezko ustelkeria kasuaren ondorioz, hamar puntu galdu ditu FPO Austriako Askatasunaren Alderdiak. Botoen %16,1 eskuratu ditu. Kolpea hartu arren, hauteskundeen aurretik koalizioan izan diren bi indarrek, alderdi kontserbadoreek eta eskuin muturrak, gehiengo osoa izango lukete.

Hala ere, Harald Vilimsky FPOko idazkari nagusiak adierazi du boto emaileek ez dutela "agindu argi bat eman" koalizioarekin jarraitzeko, eta gaineratu du oposizioan aritzeko prestatzen ari direla. Okerretatik ikastearen alde mintzatu da. Aurreratu duenez, "aurpegi berriak" izango dira eskuin muturreko alderdiaren ardura postuetan.

Bigarren indarra SPO Alderdi Sozialdemokrata izan da, botoen %22 lortuta. Orain arteko emaitzarik kaskarrena izan du: ia bost puntu egin du behera.

Berdeak izan dira laugarren indarra, botoen %14,2 bilduta. Bultzada handia izan du, aurreko hauteskundeetan ez baitzuen parlamentuan sartzeko %4ko langa gainditu. Berdeen emaitzak islatzen du ingurumenaren gaineko kezkak geroz eta garrantzia handiagoa duela boto emaileen artean.

Neos alderdi liberalak ere gora egin du, botoen %7,6 eskuratuta.

Igandeko bozak Eivisa auziaren ondorioz aurreratu zituzten. Bideo grabazio batek ustezko ustelkeria kasu batekin lotu zuen Heinz-Christian Strache, auzia azaleratu zenean eskuin muturreko kantzilerorde zena. Hori dela eta, koalizio gobernua desegin zuen Kurzek, eta bozak aurreratu zituen.

2017an, Eivissako etxe batean ezkutuan grabatu zuten Strache, legebiltzarrerako hauteskundeak baino hiru hilabete lehenago. Bideoan Strache ikus daiteke emakume bati kontratu publikoak eskaintzen, hauteskunde kanpaina diruz laguntzearen truke. Joan den maiatzean argitaratu zuten bideoa Alemaniako bi hedabidek, eta Strachek dimisioa eman zuen kantzilerorde eta FPOko buruzagi kargutik. Norbert Hofer da oraingo liderra, eta, kanpainan, Stracheren iruditik guztiz aldentzen saiatu da.

Hala ere, Stracheren itzala luzea da. Duela bi egun, fiskaltzak jakinarazi zuen ikerketa bat hasi duela FPOko lehengo liderraren aurka, alderdiaren funtsak bidegabe erabili zituelakoan. Hoferrek erran du FPOk "sakonki" ikertuko duela salaketa hori.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Kamioi batzuk errepidean, N-121-A errepidean. ©Jagoba Manterola, Foku

Datorren astetik aitzinera Hego Euskal Herri osoan zirkulatzen ahalko dela uste du Madrilek

Berria

 Jose Luis Abalos Espainiako Garraio ministroak esan duenez kutsatze datuen araberakoa izango da erabakia. EAE datorren astelehenean hirugarren fasera pasatzeko eskatuko dio gaur Iñigo Urkullu Jaurlaritzako lehendakariak Espainiako Gobernuari, eta Nafarroa «normaltasun berrira iristeko neurriak» onartzeko prest dagoela esan du Maria Txibite presidenteak.

Iruñeko Erruki Etxea egoitza, apirilean. ©Iñigo Uriz / Foku

Nafarroako zahar etxeetako 260 egoilar hil dira koronabirusagatik

Maider Galardi F. Agirre

Beste 163 hildakoren sintomatologia aztertzen ari da Nafarroako Gobernua, COVID-19ak hil dituen jakiteko. Gaur hasiko dira bisitak zahar etxeetan

Irakasleak irakasle gelan, Zarauzko Orokieta herri eskolan ©Andoni canellada / foku

Irakasleak ikastetxeetara itzultzen hasi dira, Jaurlaritzak hala aginduta

Irati Urdalleta Lete

Modu progresiboan egingo dute itzulera, eta salbuetsita egongo dira kontziliaziorako arazoak eta osasun arazoak dituztenak

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna