Noiz sortua: 2019-10-02 07:21:17

Euskal presoak

Frantziak Iñaki Reta euskal presoa gerturatu du

Mont-de-Marsanera eraman dute, duela hilabete Xavier Goienetxea bezala. Biak batera atzeman zituzten, 2015ean, ETAren armagabetze prozesuan "zuloak ixteko helburua" betetzen ari zirela.

Euskal presoen aldeko manifestazio bat, abuztuan, Bilbon. /
Euskal presoen aldeko manifestazio bat, abuztuan, Bilbon. / Aritz Loiola/Foku

Enekoitz Esnaola -

2019ko urriak 2

Frantziako Gobernuak beste euskal preso bat gerturatu du Euskal Herri inguruko kartzela batera, Etxerat elkarteak jakinarazi duenez: Iñaki Reta de Frutos, Mont-de-Marsanera (Okzitania). Etxerat-ek bezala Altsasu (Nafarroa) erreferentzia hartuta, 215 kilometrora dago.

Reta 2015ean atxilotu zuten, Ortzaizen (Nafarroa Beherea), Xabier Goienetxearekin batera, ETAren "aparatu logistiko-militarraren" aurkako operazio batean. Iazko abenduan izan zen epaiketa, eta Retak azaldu zuen ETAren armagabetze prozesuan "zuloak ixteko helburua" betetzen ari zirela. Korrekzionalak zazpi urteko kartzela zigorra ezarri zien Retari eta Goienetxeari. Haiekin batera atzemandako beste hiru euskal herritar ere zigortu zituzten, bi urtetik behera, etxean hartzea egotzita. 

Goienetxea ere hurbildu zuen Frantziak, irailaren hasieran, Mont-de-Marsanera. Biak Fresnesko kartzelan zituzten, Paris aldean. Orain jada euskal presorik ez dago Fresnesen.

Paris iazko otsailean euskal presoak hurbiltzen hasi zenetik, Retaren mugimendua halako 29.a izan da; horietatik hemeretzi Mont-de-Marsanera eraman dituzte, eta hamar, Lannemezanera (Okzitania).

Frantziako Estatuan, gaur-gaurkoz, 38 euskal preso daude: EPPK-ko 37 eta AEM inguruko bat. Euskal Herritik hurbilen diren bi kartzeletan 26 dituzte: hamahiru Mont-de-Marsanen, eta beste hamahiru Lannemezanen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek.

Bertsolari baten silueta agertokiaren gainean. ©JON URBE/FOKU - IRUDIAREN MOLDAKETA: BERRIA

Arnasa nori eman eta nori ez

Aitor Biain

Kultur eragileek begi onez hartu dituzte itxialdiak eragindako kalteei aurre egiteko erakundeek bideratutako laguntzak. Jasotzeko baldintzek eta adjudikazio prozedurak kezka eragin dute, ordea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna