Katalunia

ANC eta Omniumen erantzuna epaiari: 100 kilometroko bost martxa, hiru egunez

Kataluniako bost hiritatik abiatuko dira protesta martxak, eta Bartzelonan elkartuko dira hirugarren egunean.

Alerto Estevez/EFE

Gorka Berasategi Otamendi -

2019ko urriak 4

ANCk iragarria zuen errepide sarea hiru egunez blokeatzeko asmoa, Espainiako Auzitegi Gorenak prozesu subiranistaren auziko epaia publiko egiten duenean. Gaur, mobilizazio horren gaineko xehetasun gehiago eman dituzte Elisenda Paluzie ANCko presidenteak eta Marcel Mauri Omnium Culturaleko presidenteordeak. Azaldu dutenez, Kataluniako bost puntutatik abiatuko diren bost protesta martxek 100 kilometroko ibilbidea egingo dute, hiru egunez, Bartzelonaraino. Hiriburuan elkartuko dira bostak.

Martxa bana abiatuko da Girona, Vic, Berga, Tarrega eta Tarragona hirietatik. Lehenengo eta bigarren egunetan, 20 kilometroko bi etapa egingo dituzte manifestariek —40 kilometro eguneko—, eta hirugarren egunean azken 20 kilometroak egingo dituzte Bartzelonaraino. Hiriburura eguerdian iristea aurreikusten dute.

Horrez gain, Auzitegi Gorenaren epaia ezagutzera ematen den egunean, elkarretaratzeak deituko dituzte 20:00etarako, Kataluniako hainbat puntutan.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna